رساله المنتدى

Admin عدد الرسائل : 5 تاريخ التسجيل : 15/07/2008

هذا المنتدى ساحة للإلتقاء ومنبر لتبادل الآراء حول قضايا الشباب وخاصة طلاب الجامعات من مختلف الكليات ويرحب بالمساهمات في كافة ما يهم هذه الشريحة الحيوية من شرائح المجتمع كما يقدم وسيلة من وسائل الإتصال بهدف تضافر الجهود للإرتقاء الأكاديمي والوصول الى خريج جامعي يتمتع بقدرات ومواهب ومعارف تواكب العصر من خلال الإطلاع على منجزات التخصصات الأكاديمية ذات الصلة بتخصصه المحدد فعلى سبيل المثال يمكن لطالب الطب من خلال تواصله مع طلاب بكليات الهندسة أو الحاسبات والمعلومات أن يلم بتقنيات ومعارف يستفيد منها في التطبيقات العملية في أفرع عديدة من فروع المعارف الطبية وتخصصاتها مثل الهندسة الطبية والإحصاء الطبي وإستخدام الكمبيوتر في الجراحات وخلافه كما يفيد التواصل مع طلبة من كليات الصيدله والعلوم والزراعة في الوقوف على أسرار الأدوية والعقاقير الطبية وكافة الخامات المستخدمة في إنتاج الدواء ومن ثم فإن فكرة التعاون بين طلبة مختلف الكليات على صفحات هذا المنتدى يشكل ركيزة أساسية لأداء هذا المنتدى لرسالته التي تتوخى نفع مجتمع طلاب الجامعات.

من هذا المنطلق فإن المنتدى يرحب بمساهمات كافة الزملاء من مختلف الكليات وعلى مستوى جامعات مصر العريقة كما يستهدف في مرحلة لاحقة عقد ندوات ولقاءات في أماكن متفرقة بين مجموعات مختلفة من أنشط المساهمين فيه بهدف بحث موضوع حيوي يتم الإتفاق عليه على أن يقوم أحد الزملاء بوصفه مقررا بالترتيب لإستضافة هذا اللقاء بكليته أو في أحد الأماكن العامة الكائنة بموطن الكلية وذلك لتوثيق الصلات وإثراء الفكر والممارسة في مختلف التخصصات العلمية كما يخطط المنتدى لنشر ملخص هذه الفعاليات ألكترونيا على صفحاته لعموم فائدتها لكافة زوار المنتدى على إختلاف مشاربهم والله من وراء القصد وهو يهدي السبيل.

مع خالص تحيات مدير المنتدى

**************************

احب انى اهنئك على الفكره الجميله دى
و دلوقتى و باسمى و باسم كليه الطب جامعه 6 اكتوبر بحييك بجد و بتمنى انى اكون اول من يمثلهم
بس انا مش عارف ازاى ابدا و هعمل ايه يا ريت توضحلى.
شكرا

فكرة رائعة ان شاء الله ابلغ كل اللي اعرفهم من جمبع الكليات

فكرة حلوة فعلا و انشاء الله هبلغ اكبر عدد ممكن

بسم الله الرحمن الرحيم
وبصفتى ممثلا لكليتى كليه الطب جامعه المنوفيه

ونيابه عنى وعن زملائى

ارحب بكم جميعا وبوجودكم معانا

واتابع معكم تفاصيل هذا المشروع
الخطوه الاولى
الدعايا للمنتدى وجمع الاعضاء
من كلياتكم
وذلك من خلالكم كممثلين لكلياتكم معنا وذلك بهدف زياده المشاركات
ووجود تمثيل فعلى لكلياتكم معنا على صفحات هذا المنتدى
الخطوه الثانيه
تشكيل لجنه من كل كليه تكون معنيه بالعلاقات مع الكليات الاخرى
ويتم اختيار ممثل لهذه اللجنه من الاعضاء الذين قاموا بالمشاركه معنا بالفعل على صفحات هذا المنتدى
وبقيه التفاصيل نواليكم بها

فكرة حلوة وانشاء الله المنتدى يبقى تمام

فكره روعه جداااا

وطبعا بالشكل ده المنتدى هيبقى مفيد اكتر

وشامل كل المجالات

وطبعا انا معاكم وحابه الفكره جدااااااااااا

ان شاء الله نحاولوا بقدر الامكان اننا نبدا بالموضوع

طبعا الدعايه للمنتدى ده هنستفادوا منها كتييير اوى

طبعا مش كل الحكايه ان المنتدى هيبقى فيه اعضاء كتير وبس

لا كل عضو بيشارك ويكتب معلومه ده ممكن نستفاد منها كلنا

وخاصه اختلاف المجالات ده مهم جداااا

علشان نكون على درايه بكل المجالات وده هيفيدنا كتيير مش دلوقتى وبس مستقبلا كمان

وانا بصفتى فى كليه الطب

طبعا هكون مسؤله معاكم عن الدعايه ده بقدر الامكان

وده طبعا مسؤليه كل عضو عجبوا المنتدى وشارك فيه

وكمان احب ارحب بكل الاعضاء اللى مشاركين معانا فى المنتدى وفى كليات اخرى

انا كلية تربية والمنتدى دا عجينى قوى واللة وانا بمثل كلية تربية وان شاء الله هدى فكرة لكل الناس عن المنتدى دة وانا عن نفسى بقيت صديق للمنتدى بمن فية كلة وموافق على النظام

مشرف عدد الرسائل : 16 تاريخ التسجيل : 17/07/2008

اهلا بكلية التبية فى منتدانا والله نورت المنتدى ياباشا وفى انتظار مشاركاتك ياكبير

منور يادكتور loverfor_ever34

واهلا بكليه التربيه معانا هنا فى منتداكم

بس طبعااا مش هتنسى انك تكون المسؤل عن الدعايه للمنتدى فى كليتك برضه

عايزين نحيط بكل المجالات لنتوسع اكتر والافاده تعم

طبعا حاجة حلوة ان المنتدى يوفر الجزئية دى و يسمحلنا و لغيرنا من الكليات التانية بالمشاركة الى حتفيدنا و تفيدهم باذن الله

زائر

انا من كليه الهندسة وجامعة طنطا
ويسعدنى انى اكون عضو فى لمنتدى هنا وياريت اكون عند حسن ظنكم جميعا

اوكش احب اقول انى مبسوطة انى سجلت هنا فى المنتدى انا من صيدله طنطا ومن الواضح كدة ان المنتدى لذيذ وكلكم بتحبوا بعض

اهلا بكل من انضموا الينا
لقد ازددنا شرفا بانضمامكم الينا
ولا نجد من الكلام مانعبره به عن حبنا واحترامنا وتقديرنا لكم
نحن الان فى مرحله جمع الاعضاء
وان شاء الله سيتم قريبا تفعيل المشروع
واذكركم جميعا بدوركم الفعال فى تفعيل هذا المشروع
وفقنا الله واياكم

اهلاااااااا بكل الاعضاء الجدد هندسه او صيدله

واحنا فعلا مش قادرين نعبروا عن فرحتنا بانضمامكم الينا فى منتداكم ومنتدانا

وان شاء الله المنتدى يعجبكم ويقدر يكبر بمجهوداتكم

واحنا بكده ممكن نبداوا بالمشروع فى اكثر من جامعه واكثر من مجال

وطبعا لكل من شارك معانا وانضم فى المشروع

ماينساش بقدر الامكان انه مسئول معانا فى دعايه المنتدى

وان شاء الله نفكروا فى المشروع بسرعه لانه ايجابى بالفعل

وتانى مره مرحبااااااااااا بكل الاعضاء الجدد واحنا بجد سعداااء بانضمامكم الينا

السلام عليكم يا اهل هذا المنتدى
الكلام دة بالنسبة لهندسة وصيدلة طيب بالنسبة لتجارة اية

على فكرة احنا ان شاء اللة بنعمل منتدى لتجارة
ويا رب يكون فية تعاون بنا
والسلام عليكم

وعليكم السلاااااام ورحمه الله وبركاااته

اهلاااااااااا بكليه التجاره اهلااااااا بيك الطير الشااارد

ويارب يكون عجبك المنتدى

اهلا بكل الناس الى من كليات تانية و ارحب بيهم و خاصة صيدلية

THAT IS AGOOD TOPIC

I WILL TELL MY FRIENDS

THANKS MY SIR FOR TOPIC

احب ارحب بكل الكليات وخاصة طب المنوفية :lol:

بسم الله نبدأ اولى خطوات تفعيل المشروع
المفترض ان كل عضو سجل دخوله فى المنتدى
اصبح ممثلا لكليته وهو مسئول عن تشكيل لجنه
من كليته من خمسه اعضاء على الاقل تتولى مهام
تبادل الزيارات والندوات واللقاءات
نحن الان فى انتظار ان يبلغنا كل عضو بانه تم تشكيل فريق كليته
وسوف نقوم نحن قريبا باعلان فريقنا للبدايه فى تفعيل المشروع

فكره حلوه كتير
وانا اول المشاركين
وحاليا انا بساعدكم في عمل دعايه للمنتدي لاني اعتبره بيتي
وان شاء هيكون المنتدي لكل الفئات من الناش مش بس الطلبه
اتمني لكم التوفيق من كل قلبي
وانا تحت امركم
تقبلوا تحياتي

سمورمهدي كتب:: فكره حلوه كتير
وانا اول المشاركين
وحاليا انا بساعدكم في عمل دعايه للمنتدي لاني اعتبره بيتي
وان شاء هيكون المنتدي لكل الفئات من الناش مش بس الطلبه
اتمني لكم التوفيق من كل قلبي
وانا تحت امركم
تقبلوا تحياتي

نورتي المنتدى يا سمور

اسمك حلو جدا على فكرة

مستنيين منك مواضيع اكتر