سيناريو تصحيح الامتحانات؟

انا micro shalaby

لو كنتم قريتم موضوع البديهات الكرينه يبقى اكيد انتوا عرفتم عنى حاجات كتير
فى الموضوع الى فات اتفقنا اننا نتكلم بكل جراءه و صراحه
على فكره الكلام الى هقوله النهارده دا من كلام اساتذه جامعه يعنى علشان محدش يقولى اننا بنتبلى عليهم او اننا منتدى اصفر ينشر و يروج للشائعات.وهوب تلاقى مرفوع عليا قضيه ترويج شائعات تسيئ الى سمعه مصر
و انتوا فاهمين ان كله الا السمعه و مصر حيلتها ايه الا السمعه يا جدعان.
المهم نرجع الى الامتحانات و عند الامتحان يهان المرء او يدان. و المدان هوه حضرتك لو مش ذاكرت و المهان هوه حضرتك برضه لو ذاكرت و الامتحان جه مالوش اى دعوه بالى انت ذاكرته خالص طبعا الرد السريع من الاهالى و الدكاتره على الكلام الى انا بقوله ان مفيش امتحان بييجى من بره الكتاب امال هييجى منين يعنى؟؟؟؟؟؟؟
للاسف دا كلام مش صحيح بدليل ان السنه الى فاتت فى واحده من كليات جامعه طنطا بالتحديد جه سؤال فى امتحان كالتالى
اذكر ترتيب المواضيع فى فهرس الكتاب؟؟؟؟؟؟
تخيلوا (حاله فرديه لا تعبر عن سياسه عامه) هوه دا الرد الجاهز المنتشر اليومين دول
كل المصايب حالات فرديه لكن خلينا نرجع لموضوعنا و نشوف جميع الحالات الفرديه الى بتحصلنا كام مره الدكتور قالك ان فيه جزء معين ملغى من الماده بتاعته و مع ذلك جاب فيها فى الامتحان عادى جدا......
و كام مره قالكم ركزوا على جزء معين قوى و مجاش منه ولا كلمه....بتحصل كتير مش كدا
دا بيحصل لانه غالبا هما مبيفتكروش هما لغوا ايه و اهتموا بايه. ايوا ما هوه متفتكرش ان الدكتور دا مقطوعلك انت و بس و كليتك ام كام 100 جنيه فى الشهر طبعا لا
الدكتور بتاعك بيشوف اكل عيشه فى 3 او 4 معاهد خاصه دا اذا مكانش استشارى لاى شركه خاصه و غيييييييييييييييييره.......
يبقى من الطبيعى انه ينساك طبعا ما هوه برضه الراجل مخه مش دفتر و لو حته مخه دفتر هيخلصه عليه انت ليه يعنى بتاع ايه......
نيجى بقى على التصحيح و دا مصيبته مصيبه و مع ذالك خلينا نكون منطقيين
الدكتور بيبقى مطلوب منه تصحيح ورق الامتحان فى فتره الاجازه يعنى قرف طول السنه و كمان مش هيستمتع باجازته
يبقى طبيعى جدا ان الدكتور يقولنا انه بياخد ورق الاجابه معاه فى المصيف
و يخلى بنته الصغيره تعمل الورق صواريخ متتخضوش قوى ايوه صواريخ
البنت تقعد جمب الدكتور تحت الشمسيه و ترمى الورق الورقه الى تيجى عنده تاخد امتياز
و الى على اليمين جيد و الى على الشمال جيد جدا .... الى مبتوصلش بقى يبقى دور تانى و بكده يبقى الدكتور ضرب كل العصافير بكل الطوب و صحح الورق و دلع العيال وصيف و قضى اجازه سعيده كمان .....كفايه كدا كلام و ربنا يجعل كلامنا خفيف عليهم

ملحوظه:-- اى صاحب معالى يجد تشابها بينه و بين ما كتبته فهذا من واقع الصدفه و انها مسؤوليه معاليه الشخصيه و بهذا اخلى مسؤوليتى.......
الكاتب .....د:م س
ههههههههههههههههههههه متنكر
ال يعنى كل الناس مش عارفانى
هههههههههههههه
يا رب يكون الموضوع عجبكم
سلام[/b][b]

الموضوع بجد تحفة و يا جماعة والله فعلا اكيد فى كوسة فالتصحيح انا مثلا طلعت من امتحان الفسيو بقول دور تانى تانى تانى حنرجع للفسيو تانى و طلعت من البايو بشرب سيجاااااااااار و بقول امتياز بعون الله لقتنى جيد جدا فسيو و جيد بايو 65.8 تخيلوا يعنى الحمد لله على كل شئ