المنقولين للفرفة الرابعة

مشرف عدد الرسائل : 16 تاريخ التسجيل : 17/07/2008

اهلا بيكم

الموضوع بقا مش للماجلين للتاس الللى خلصت خلاص وزهقت شوية من الاجازة وعازة تعرف اى حاجة عن الفرقة الرابعة

المواد ايه والكتب اللى هييتذاكر منها والشرايط اللى تتسمع واى حاجة عن الفرفة الرابعة
انا فى خدمتكم وفى انتظار استفساراتكم احنا هندردش بس شوية مع بعض عشان مناثرش بس على الاجازة ويارب تستفادوا

حلوة الفكرة دى وكويسة
فى كام سؤال كده كنت عايزة اعرف ايجابتهم
ياريت لونعرف المواد وكل مادة عليها كام درجة
وايه اخبار الدكاترة فى كل قسم؟
ومين اللى الفروض يتحضرله المحاضرات؟
اه وحاجة مهمة يا ترى فى كراسة عملى يقرفونا بيها؟
انا سمعت ان فى مشروع بيتعمل بس مش عارفة فى اى مادة ولا ايه نظامه
معلشى هنتعبك
وشكراااااااااااا

مشرف عدد الرسائل : 16 تاريخ التسجيل : 17/07/2008

انتا عندك السنادى اربع مواد
طب الشرعى والرمد والانف والاذن وطب المجتمع
هنبدا النهاردة بالشرعى
الشرعى عليه 200 درجة
100 نظرى
40 اعمال سنة
20 عملى
40 شفوى
الكتب:
كتاب الشرعى بتاع القسم معقول وكله بيذاكر منه مستريح وكويس بس دسم جدا بس هتذاكروا منه يعنى هتذاكروا منه
السموم الدكتور سامى حماد لما مسك رئاسة القسم السنة اللى فاتت مكنش عاجبه كتاب الدكتور سامى بدوى شيخ دكاترة الطب الشرعى فى المنوفية بس للاسف -على لسان الدكتور سامى نفسه- الوقت ما اسعفوش وفيه ناس راحت اشتكته للعميد فاضطر ينزل الكتاب بسرعة وانا اما رحت اشتكتله من الكتاب قال ده اصلا مش تصورى للسموم بس انتم اللى استعجلتونى وان شاء الله السنة الجاية -اللى هيا سنتكم انتم بقا-الكتاب هيتعدل كتييييييير
[u]الدكاترة:[/u]رئيس القسم الدكتور سامى حماد انتم لحد الوقتى ماقبلتوش دكتور زيه دكتور زى العسل على الاقل خالص بيعاملنا على اساس احنا بنقدمين واى اقتراح بيسمعه وبياخد راينا فى كل حاجة فى مواعيد الامتحانات وفى كم الامتحان كان بيحاول يريحنا على قد مايقدر وبيسمع للانتقادات الى اقصى الحدود يعنى لو واحد مش عاجبه حاجة فى القسم يروح يقوله ومايخافش ومينكسفش
الدكتور سامى حماد ميتفوتلوش محاضرة كل محاضراته ميه ميه

اما بقية الدكاترة بقا انا محضرتش لحد فيهم وحاضراتهم ملهاش لمة خاااااااااالص
فىه دكتورة اسما الدكتورة صفاء يعنى الى حد ما بس محاضراتها كلها اصلا فى السموم وبيتديها بجرعة سامة للاسف ولا كن بتوع الماجستير قاعدين قدامها

المختصر المفيد:الدكتور سامى حماد هو بس اللى يتحضرله والباقى ...................
هيخوفوكم ويعملوا امتحانات فى المحاضرات وعليها درجات وبتاع والله ما عليها اى حاجة وملهاش اى لزمة
اتعمل فى حدود 7 امتحانات والله محضرتش اى امتحان ودرجتى عالية جدا فى الشرعى وش ناقص ولا درجة فى اعمل السنة

مشرف عدد الرسائل : 16 تاريخ التسجيل : 17/07/2008

[u]الشرايط:[/u]
فيه شرايط شرعى فوق الممتازة نزلت السنة اللى فاتت للدكتورة شيرين جامعة الفاهرة شرايط جميلة جدا

انا اصلا مش من هواة سمع الشرايط بس الدكتورة دى معجزة بس نصيحة ياريت تجيبوها من اول السنة هتفيدكوا كتييييييييييييييييييييييييييييير بس لو من اول السنة عشان الدكتورة بتستفيض شوية فى الشرح بس ممتعة جدا بس للاسف شرايط شرعى بس مفيش ليها سموم

فيه بقا شرايط سموم للدكتورة اميمة لو هتسمعها يبقى عشان تكون فكرة فقط مش هتذاكر عليها وحتى نقاء الصوت مش اوى يعنى مبرشحهاش اوى للسماع الا بقا للناس اللى لازم تسمع حاجة عن الموضوع قبل ماتذاكر

مشرف عدد الرسائل : 16 تاريخ التسجيل : 17/07/2008

المادة نفسها هكلمكوا عنها بعدين

شكرا يا دكتور على مشاركتك بتجاربك
وياريت تكمل ..........

متشكرين جدا جدا جدا يا دكتور المنتدى
ويا ريت تكمل المواد كلها بنفس النظام
لاننا كل سنة بنخش مش فاهمين اي حاجة وعلى منفهم ونعرف ايه النظام نلاقي امتحان اخر السنة جه!!!!

معلش لو هقاطعكو في موضوعكم000000وآسفة اني دخلت علي منتداكم وانا من الفرقة التانية
بس بصراحة عاوزة اعرف ايه الكلام اللي بيتقال في الكلية عن تقسيم المواد ده
ياريت حد يقولي حاجة
وآسفة علي الازعاج للمرة التانية

ازعاج ايه بس؟؟؟؟؟
المنتدى منور
ومن حقك تخشي اللي يعجبك

مشرف عدد الرسائل : 16 تاريخ التسجيل : 17/07/2008

اسف ياجماعة عالغياب بس والله انا كت مسافر ولسه جاى حالا

حمد الله ع السلامه يا دكتور

وتاعبينك معانا

بس يا ريت حضرتك توضحلنا اكتر موضوع المواد
وهناخد ايه ف الترم الاول والتانى حسب النظام اللى نزلوه ده
واخبار الروندات ( السكشن زمان )

وكده يعنى

وشكرا

السلام عليكم ورحمه الله وبركاته
أنا كنت عاوزه أهنيكوا الأول بالمنتدى بتاعكم الجميل ده............وياريت تقبلونى عضوه معاكم وأختكم الكبيره...........انا بعد اذن د/دكتور المنتدى هبقى أساعده وأقول اللى عندى بخصوص سنه رابعه......بس شويه على ماأتأقلم وأتفرج على المنتدى أصلى سجلت ودخلت عليكم على طول قبل ماأشوف حاجه خااااااااالص.
تحياتى وكل عام وأنتم بخير بمناسبه الشهر الكريم أعاده الله علينا بالخير والمن والبركات

يا اهلا وسهلا
منورة المنتدى يا قوقه واهلا بيكي
ومشرفانا والله
ومستنينك تفهمينا مع دكتور المنتدى

اهلا بيكي تاني

David Beckham كتب:

يا اهلا وسهلا
منورة المنتدى يا قوقه واهلا بيكي
ومشرفانا والله
ومستنينك تفهمينا مع دكتور المنتدى

اهلا بيكي تاني

ميرسى ربنا يخليك
أنا هبدأ كلامى بماده بحبها.....هى فى الأول كان دمها تقيل شويه بس ده لأن كتابها كان جديد ولسه اول اصدار له وكان فيه عيوب
الماده دى هى............. الرمد
بالنسبه لقسم الرمد..........فده من أحسن الاقسام وقسم منظم جدا ورئيسه هو د/حسن وده دكتور زى العسل ودماغه عاليه قوى ومن اكتر الدكاتره اللى انا مبهوره بيهم
القسم دايما بيطور من نفسه وبياخد باقتراحتكم ودايما بيعمل استفتاءات بصفه دوريه للأخذ بأرائكم وتطوير القسم
أما بالنسبه للكتاب........
فبعد الجوده الدكاتره قالوا لنا ان الكتاب هيخس النص فى سنتكم وهيشيلوا الحاجات اللى مش لها لزمه....هو الكتاب حلو مش وحش بس عيبه انه مش كان منظم قوى وكان فيه مواضيع بيشرحها باستفاضه قوى.......بس العيب ده هيصلحوه ان شاء الله.....وياريت تزاكروا منه لأن د/حسن جاب منه سؤال مش كان موجود بباقى الكتب.......فيه كمان كتاب د/الرفاعى ده كمان شرحه فوق الممتاز ممكن تزاكروا منه بس ده لا يغنى عن كتناب القسم.
أما بالنسبه للروند......
فللأسف أنا كنت فى اول روند وكانوا لسه بيجربوا فينا........بس الدكاتره شرحهم حلو فيه بس مش شوفنا حالات كتير........لكن القسم بعد كده حسن من نفسه وبدأ يجيب كاميرا وحالات من العياده ويفرجها للطلبه كلهم على شاشه عرض وحلوا المشكله
بالنسبه لحضور المحاضرات...........
أنا الحمد لله كنت بحضر كل المحاضرات..........سواء الدكتور حلو أو لا.........ومش ندمت أبدا على كده ونصيحتى لكم انكم تحضروا كل المحاضرات.........علشان لما تيجوا تزاكروا مش تحسوا انكم بتقرأوا الحاجه لأول مره

بصراحه انا مبسوط جدا من الشغل اللى عامله دكتور المنتدى و الدكتوره قوقه

بسم الله ما شاء الله ...الواحد فرحان ان فيه ناس فى دفعتنا بتحب الخير لغيرها كده

و ان شاء الله حبقى اشارك معاكوا بانتظام ان شاء الله

بس الواحد مش عارف يقول ايه بعد اللى انتوا قولتوه ده

heart failure كتب:: بصراحه انا مبسوط جدا من الشغل اللى عامله دكتور المنتدى و الدكتوره قوقه

بسم الله ما شاء الله ...الواحد فرحان ان فيه ناس فى دفعتنا بتحب الخير لغيرها كده

و ان شاء الله حبقى اشارك معاكوا بانتظام ان شاء الله

بس الواحد مش عارف يقول ايه بعد اللى انتوا قولتوه ده

ميرسى يادكتور ........ ربنا يخليك.......واحنا منتظرين مشاركه حضرتك معانا
نسيت أقول ان الرمد من 250 درجه
النظرى.........125
امتحان نهايه الروند.......50 والامتحان بيبقى عباره عن 10 صور والباقى mcq وكان فيه كتاب لجامعه عين شمس كان بيجى منه معظم الأسئله..ده اذا مش كانت كلها أصلا
شفوى.........60 وبيبقى عباره عن لجنتين كل لجنه ب30 درجه
عملى........15 درجه ودى بتبقى على هيئه 15 صوره وبتكتب اسم الصوره فقط بدون تعليق

قوقه كتب:: ميرسى يادكتور ........ ربنا يخليك.......واحنا منتظرين مشاركه حضرتك معانا

على ايه يا دكتوره ...انا مش بجامل على فكره دى حقيقه

و ان شاء الله ححاول اتكلم شويه عن الانف و الاذن

فى الاول هيا من 200 درجه

تقسيمتهم كالتالى

100 نظرى نهاية العام

60 شفوى على لجنين كل لجنة 30 درجه و بتكون على نص الكتاب و اللجنه التانيه على النص التانى

الاند راوند 40 درجة عباره عن 20 درجة امتحان عملى شوية صور

تعمل عليهم spot diagnosis

و 10 درجات لجنة شفوى و 10 الاخرانيين غياب

نظام المحاضرات و الراوندات و الكتب اللى بيتذاكر منها و الكورسات

فى البوست اللى جاى ان شاء الله

المحاضرات
كل دكتور بيدخل فى برانش
بس الدكتور عبد اللطيف فيه كذا دكتور كانوا احيانا بيدخلوا مكانه فى محاضرات ال ear

انا مكنتش مهتم بمحاضرات الانف و الاذن على الاطلاق
و اتحاسبنا على غيابنا ده فى اخر السنه و الدكتور عبد اللطيف نقص ال males درجات كتير
من ال 10 بتوع الغياب و ال females طبعا كلك 10من 10 !!!!
فا انحصكوا انكوا تحضروا احسن
و لو اضطريتوا تحضروا و تسدوا ودانكوا مفيش مانع

الراوندات لو حتابع معاها فى المذاكره حيكون كويس قوى
و يا سلام لو حتحضر الموضوع اللى حيتقال قبل ما تروح الراوند يبقى تمام قوى
هما 3 ايام فى الاسبوع بس و اليومين الاخرانيين مفيش راوند فيهم
بتدرسوا فيه كتاب فيه صور على معظم المواضيع اللى فى المنهج كل يوم دكتور يدخل يشرح شوية صور
و هكذا لحد ما الكتاب يخلص و فيه كمان شوية الات عبيطه كده بتاخدوها فى اخر الراوند خااالص

الكتب اللى بيتذاكر منها طبعا هو كتاب القسم مفيييييش غيره
هو كفايه جدااااا للنظرى
اما لو حبيت تزود من اى سورس تانى بيكون عشان الشفوى بس

و ياريت لو دكتور المنتدى او الدكتوره قوقه عندهم اى اضافه ميتأخروش بيها

heart failure كتب:: و ياريت لو دكتور المنتدى او الدكتوره قوقه عندهم اى اضافه ميتأخروش بيها

[b]

لا حضرتك قلت المفيد.......جزاكم الله خيرا
بس أنا كنت عاوزه أقول لهم نصيحه: الصور فى الروندات مش بتبقى مفيده قوى........والابعض منهم هيحس ان مش لها لزمه قوى......احنا كنا قطط مغمضه وكنا راضيين بالنظام ده........بس روند ج اخد بنصايحنا وطلب من الدكاتره انهم يختاروا موضوع نظرى والدكاتره تشرحه فى الروندات......أصلكم بتاخدوا حوالى 10 صور فى كل روند وممكن الصور دى مش تبقى لها علاقه ببعضها.........فياريت تبقوا محضرين فعلا زى ماقال د/heart failure علشان يبقى عندكم خلفيه عن الصور دى......لأن فيه دكاتره بتشرح الصوره من غير ماتشرح الموضوع كله

[/b]

والله انا متشكر جدا ع النصايح دى كلها
وربنا يوفقكم ان شاء الله
مرة تانية شكرا على الافادات
:D

مشرف عدد الرسائل : 16 تاريخ التسجيل : 17/07/2008

نتكلم بقا عن المادة نفسها
المادة اسمها الطب الشرعى و السموم يعنى جزئين
1-الطب الشرعى
يدرس كيفية استخدام المعلومة الطبية فى خدمة العدالة والقانون
هى مادة شيقة جدا وان شاء الله هتحبوهاوياسلام للناس اللى بتسمع كونان او CSI هيفهموها اوى ان شاء الله
بعد ماتخلص دراسة الشرعى السنادى هتقدر تكتب تقرير طبى ابتدائى وكمان تكتب شهادة وفاة وانتا مش هتتعلمهم الا فى سنة رابعة
باختصار هقولكم ايه اللى هتدرسوه فى الشرعى السنادى عشان تكوتنوا فكرة عامة عن المادة قبل ماتبداوا
انتوا تقريبا هتدرسوا عشر مواضيع السنادى فى الشرعى:

1-ازاى تتعرف على واحد حى او ميت كامل او اشلاء اى حتة من الجسم عضمة مثلا وازاى تعرف العمر او الجنس او العرق ودا مهم جدا فى جميع الحالات المدنية زى الزواج مثلا والحالات الجنائية زى الاغنصاب مثلا

2-علم الوفيات وهتتعرف فيه اسباب الوفاة وموت جذع المخ والموت الاككلينيكى والموت المفاجئ وازاى تشخص حاة وفاة وخصوصا موت الدماغ (فى المستشفيات) وهتعرف جميييع التغيرات اللى تحدث بعد الوفاة

3- الاسفيكسيا بجميع انواعها زى الغرق الخنق الشنق كتم النفس الخ..

4- الاعتداءات الجنسية كلها واهمها الاغتصاب واللواط

5-الحمل الولادة الاجهاض وجريمة قتل المواليد

6-الجروح بصفة عامة ايه انواعها كلها ومن الفصل ده هتعرف تكتب تقرير طبى ابتدائى

7-الجروح برده بس حسب مكانها فى الجسم يعنى مثلا ايه الجروح اللى ممكن تحدث فى البطن وزى كدة بقا

8-الاسلحة النارية انواعها وايه الجروح اللى ممكن تنتج عنها

9-حوادث المرور

10-الحروق

ده باختصار كل اللى هتدرسوه فى الشرعى السنادى واظن بان من المواضيع انها مادة لذيذة وربنا يكرمكوا

مشرف عدد الرسائل : 16 تاريخ التسجيل : 17/07/2008

2- السموم
للاسف هيا رخمة شوية ولستمرارا لعذاب الفارما الفارما مش هتسيبكم فى حالكم بعد تالتة فالسموم هىفرع الفارما فى رابعة
المهم المادة بتتكلم عن
1-السموم بصفة عامة انواعها ايه وايه السعافات الاولية اللى ممكن اعملها فى البدايه

بعد كده هيمسك انواع السموم وكل واحد بالتفصيل مثلا السموم الاكالة ويبدا يكلم عنها بالتفصيل

فالمادة هيا الفارما بالظبط بس بالجرعات السامة
اهم حاجة اللى انتم تتابعوا فيها عشان اما بتتراكم العملية بتبقى صعبة اوى وتبقى صعب اللى انتا تجمع وتفرق بينهم
الدكتور سامى حماد قال برده ان هوا هيعدل الكتاب شوية ويشيل كل الحاجات اللى ملهاش لزمة

الحاجة اللى احب اركز عليها اللى انتم لالالالالالالالالالالالالالالالازم و لالالالالالالالالالالالالالالالالالالالالالالابد تفهموا اول فصل فى السموم كويس جدا لان ده هيبقى مفتاحكم فى السموم ممكن يجيلك سؤال انتا مش مذاكره بس من الGeneral ممكن نكتب فيه وتاخد درجة كويسة جدا كمان

مشرف عدد الرسائل : 16 تاريخ التسجيل : 17/07/2008

طريقة الدراسة:
1- المحاضرات بتخليها شغاة طول السنى زى المعتاد ومحاضرة مثلا شرعى ومحاضرة سموم
ومتنسوش المحاضرات دى اوعا حد يعديها هتفرق معاكم اوى وهيا :
الشرعى :الاسيفيكسيا والحروح بصفة عامة
السموم:السموم عامة (اول حاجة فى السموم) والسموم المتطايرة
2- الروندات
الروند اللى هيدرس شرعى بينقسم نصين
نص روند ونص سكشن
الروند معظمه بيتكلم عن الشرعى يعنى مثلا صورة واحد مشنوق هتتعلموا فى الوند ازاى تكتبوا تعليق كامل عليها
السكشن ان والله ماعارف اقولكم هو بيتكلم عن ايه بس معظمه سموم وبيتعمل فيه تجارب انتا طبعا مبتعملش ولا هتعمل حاجة بس بتتفرج بس

مشرف عدد الرسائل : 16 تاريخ التسجيل : 17/07/2008

الاند روند
عليه عشرين درجة ومطلوب فيه
1- الامتحان وده هيبقى عبارة عن صور وانتا هتعمل تعليق عليه مع سؤالين نظرى سهلين
2- Duty:

وده عبارة عن :
1- كراسة العملى تسلمها هتنزل مع الكتاب
2- الكشكول وده انتا اللى هتكتبه تكتب ملخص اللى انتا خته فى الروندات والسكاشن
3-الصور عشر صور خمسة تصورهم من الصور اللى فى الروند وخمسه تصورهم من المستشفى وياريت وانتوا فاضييين الوقتى تنزلوا المستشفى يوم تصوروهم وبعدين تكتب عليهم 10 تقارير طبية
4-تكتب 10 شهادات وفاة
5-تكتب 10 museum report ودى عبارة عن skulls وبتكتب عليها تقرير هتتعلموه فى الروند
6-اسطوانة عليها الصور بتاعتك
7-دوسيه تحط فيه كل ده

الموضوع سهل جدا والله ماهياخد حاجة خالص الحاجات دى كلها هتعملوها فى ثوانى

فاضل عشرين درجة اعمال سنة هيبقوا على امتحانين نظرى على كل الدفعة

بالنسبة للناس اللى بتحضر معظم المحاضرات
إيه المحاضرات اللى هنندم لو فاتتنا
أولا: أنا كنت بحضر كل المحاضرات لأنى مش كنت باخد كورسات ولا بسمع شرايط......فكنت بحضر علشان لما أجى أزاكر مش أكون بسمع الكلام لأول مرة
وايه المحاضرات اللى دخولها يعتبر تضييع وقت وخلاص؟

أنا هتكلم عن كل الحاضرات مرة واحده ومنها تتعرفوا على دكاتره كل قسم:
هبدأ بدكاتره ومحاضرات الشرعى.......وخصوصا محاضرات د/سامى حماد رئيس قسم الشرعى وده بصراحه دكتور أكثر من رائع وديميقراطى فى اتخاذ القرارات ومش هتندموا أبدا لحضوركم ليه
د/سامى بدوى رئيس القسم سابقا.......وبرضه شرحه كويس وبيحب الفهم والتخيل قوى وبيسأل فى اللى بيشرحه فى الشفوى
د/صفاء.....ودى بصراحه أنا مش حضرتلها كتير........مش علشان شرحها مش حلو بس الجزء اللى كانت بتشرحه كان كله حفظ......بس جيت فى الاخر وندمت لأنها زودت اضافات كتير وسألت فيها فى الشفوى.......بس ربنا ستر ومش دخلتلها
د/مفرح........مش بيشرحوا جزء كبير قوى........بس هما كمان شرحهم حلو
د/نيره........ شرحها حلو هى كمان بس مش بتزود حاجه فى المحاضرات
د/عزه......انا مش حضرتلها لأنى لقيت شرحها فى الروندات أحسن من المحاضرات........فمش كنت بركز معاها
بس جيت فى الاخر وحضرت لها لأن الدكاتره اتضايقوا من قلة نسبه الحضور وبدأوا يعملوا امتحانات فى المحاضرات
أنا سمعت فى اخر السنه ان فيه شرايط كويسه ل د/شرين بس مش عندى معلومات عنها الصراحه ممكن حد غيرى يكلمكم عنها
من الاخر بقى قسم الشرعى كله شرحه ممتاز والروندات بتفهموا فيها جدا وممكن تغنيكوا عن حضور المحاضرات......بس عدم حضور المحاضرات هيأذيكوا انتم

يجى بقى قسم الأنف والأذن
د/عبد اللطيف رئيس القسم.......شرح الear...هو شرحه مش وحش.......بس المشكله انه صوته منخفض جدا وبيهتم باللى قاعدين بالصف الاول فقط وبيحفظهم ويهتم بيهم........بس بيضايق قوى من عدم حضور المحاضرات وعاقبنا زى ماقلت قبل كده.......فاحضروا له علشان مش تضيعوا منكم 10 درجات ده غير امتحان النظرى ربنا يستر
د/أيمن.......شرح لنا larynx ........وبصراحه شرحه حلو بس هو سريع شويه فى الشرح.......بس بيرجع يعيد تانى كذا مره...وبسأل فى الاضافات اللى بيزودها خصوصا فى الروندات
د/عصام.......شرح لنا ال nose ....... هو شرحه حلو وكل حاجه بس الشفوى بتاعه مش حلو خااااااااااالص......أنا مش دخلتله الحمد لله بس سمعت انه بيبهدل الدنيا فى الشفوى وبيهتم جدا بالأوائل وبيقعد الطلبه بالتقدير بتاعهم ويسألهم
د/أحمد عبد الحليم......... شرح لنا ال pharynx......وبدون مبالغه شرحه تحفه والأهم من كده انه مش بيشرح بنفس أسلوب الكتاب وبيضيف حاجات كتير.......سأل فيها فى الشفوى واتضايق قوى لما الناس مش جاوبت ونقصهم طبعا كتير.
د/أحمد رجب شرح محاضرتين تلاته فى ال general بس شغله كله فى الروندات وشرحه حلو
د/ياسر.......طيب قوى فوق ماتتصورا بس مش بيبين كده قوى....وبيعنم جدا بالعمليات وبيحب الطلبه يحضروله....هو يومه يوم الاحد فى العمليات وكنا بنحضر له مخصوص...وبيحفظ اللى بيحضر له وبيهتم بيه قوى فى الشفوى
فيه د/ايمن كمان بس فى الروندات وده شرحه كويس
وأخيرا د/ابراهيم........شرح روندات فقط بس شرحه تحفه

أنا عارفه ان فيه ناس كرهتنى كتير لأنى بقولهم احضروا كل المحاضرات...بس والله انا بقول اللى يمليه عليه ضميرى والمادتين اللى جايين مش كنت بحضر فيهم كتير مش تخافوا

قسم الرمد.........ده قسم منظم جدا وعلى طول بيعمل استفتاءات وياخد رأيكم ويعمل بيه
د/حسن ..رئيس القسم.........هيشرح شابتر ال retina فقط بس شرحه فوق الممتاز......بيهتم بالصغيره قبل الكبيره......بدليل انه جاب لنا سؤال فى الامتحان فى الشابتر ده غير متوقع عليه 10 درجات واجابته 4-5 سطور فقط فى الكتاب.......تخيلوا
د/عبله.......سورى يعنى........بتشرح وكأنها بتقرأ من الكتاب.........بس طيبه قوى فوق ماتتصورا هى المسؤله عن الطلبه
د/حاتم.........انا بحب شرحه بس هو سريع قوى ومحتاج انك تركز معاه من غير ماتسرح والا هتفصل منه
د/مصطفى نصار..هيشرح ال glaucoma........وده دكتور خبره بجد
د/عبد الرحمن هيشرح ال cornea......وشرحه ممتاز.......بس شرحه فى الروند كان احسن من المحاضرات مش عارفه ليه؟
د/ايمان السبكى.......بدأت تشرح حلو وبعد كده مش حضرت لها تانى لأنى مش كنت بستفاد قوى من الحضور بعد كده
د/معتز.........مش حضرتله غير اول محاضره فقط ومش ارتحت من شرحه
د/أسامه....حضرتله كل المحاضرات وفهمت منه الحمد لله
د/خالد....... نسبه الحضور مش كانت كتيره زى ماحصل مع د/عبله ود/معتز
د/صابر.........وهيشرح cataract & neuro.........بس ده دكتور زى العسل وشرحه حلو.........مع انه عصبى جدا وبيغلط فينا وفى الدكاتره كتير بس والله طيب.........وده الحضور ليه كان كتير قوى
مش فاكره انا نسيت حد ولا ايه؟؟؟

وأخيرا قسم الكوميونتى...........الروندات بتاعته هايله جدا
مظنش انى حضرت له كتير الا لدكاتره معينه منهم.........د/جعفر رئيس القسم لأنه كان بيهتم بنسبه الحضور
د/حنان........د/ايمان زوجه د/مفرح.........د/محمد.........د/منال هى شرحها حلو مبسط وبتدى كورسات
متهيألى دولا بس اللى حضرت لهم
كفايه كده مؤقتا لأنى تعبت من الكتابه وزمانكم انتوا كمان زهقتوا من الرغى ده