يلا بجد من قلوبنا نتسابق ونشوف مين اللى هيكسب ؟؟؟؟

ازيكو يا جماعه

طبعا رمضان خلاص على الابواب كلها اسبوع ونكون فى اعظم الايام

انا جبتلكو جدول نمشى فيه فى رمضان زى مكنا ايام الامتحانات بنعمل جداول ونتسابق مين اللى هيخلصها

عندى امل ان الجدول ده نعمله مع بعض ونساعد بعض ويكون رمضان ده احلى واحسن رمضان مر علينا
ونكسب فيه ثواب كبير اوى


يا عالم الواحد هيكون موجود رمضان الجاى ولالا

انا هكتبووو وياريت محدش يتسصعبه لانه بجد مش كتير على ربنا ولازم نعمل كل حاجه فى رمضان ده ايام مفترجه علينا وربنا بيهدينا بيه يبقى لازم نستغل رمضان احسن استغلال

الجدول كلآتى:-
1- الصلاه :-
الفرائض : -
للرجال : فى المسجد صف اول جماعه اولى .
للنساء : فى البيت فى أول الوقت ( و ان صلت فى المسجد فلا بأس ) .
السنن و النوافل :-
- ركعتين قبل الفجر .
- 4 ركعات قبل الظهر و 4 بعده .
- 4 ركعات قبل العصر .
- ركعتين بعد المغرب .
- ركعتين بعد العشاء.
- 8ركعات ضحى ( من بعد الشروق بثلث ساعه حتى قبل الظهر بربع أو نصف ساعه ) .
- 13 (ركعه قيام ليل ( 10 + 3 وتر .
كده يبقى 17 ركعه فرض و 39 ركعه سنه يبقى 56 ركعه فى اليوم يعنى تسجد 112 سجده لله تعالى فى اليوم
و كل سجده تُرفع بها درجه و تُمحى بها خطيئه .
2-الصيام :-
وده مش محتاجه نقول طبعا ان احنا كلنا هنصووووم
3- القرآن :-
اٍن شاء الله هنقرا فى اليوم 3 أجزاء من القرىن و ده مش كتير , الجزء بياخد نصف ساعه قراءه يعنى جزئين فى ساعه و نخلى الجزء الثالث نقوم به الليل , يعنى هو كتير على الله ساعه واحده فى اليوم كله !

4- الذكر :-
يا من تحب النبى صلى الله عليه و سلم فهو القائل " احق الناس بى يوم القيامه اكثركم عليه صلاهً "
" ألا أدلكم على خير اعمالكم و أزكاها عند مليككم و ارفعها فى درجاتكم و خير لكم من اٍنفاق الذهب و الفضه و خير لكم من أن تلقول عدوكم فتضربوا اعناقهم و يضربوا اعناقكم ؟ قيل : ما يا رسول الله ؟ قال : ذكر الله تعالى "
- 1000 صلاه على النبى صلى الله عليه و سلم ( لأ طبعاً مش كتير ده عشر مرات بالسبحه يعنى 15 دقيقه و طبعا هنقسمها ع اليوم )
- 1000 سبحان الله .
- 100 سبحان الله و بحمده , سبحان الله العظيم .
- 100 سبحان الله و الحمد لله و لا اله الا الله و الله اكبر .
- 100 لا اله الا الله .
- 100 لا اله الا انت سبحانك انى كنت من الظالمين . ( دعاء سيدنا يونس عليه السلام فى بطن الحوت ) .
- 500 استغفار بأى صيغه ( استغفر الله الذى لا اله الا هو الحى القيوم و اتوب اليه ) ( استغفر الله العظيم و اتوب اليه ) ( استغرك ربى و اتوب اليك من ذنوب احصيتها و نسيتها )........................................
- اذكار الصباح و المساء .
- اذكار النوم .
- أذكار بعد الصلاه .

5- الصدقه :-
ياريت يا جماعه نعاهد ربنا اننا كل يوم نطلع صدقه و لو شق تمره
لا تحقرن من المعروف شيئاً , فاٍن الجبال من الحصى .

آه اهم حاجه بقى و هى الأخلاق و المعاملات " انما الدين المعامله " .
1- بر الوالدين .
2- صله الرحم .
3- قضاء حوائج المسلمين .
4- الاجتهاد فى العمل و اٍتقانه .
5- التعامل الحسن مع جميع الخلق و الألفاظ الطيبه .
و ما شابه ذلك من أخلاق مثل عدم الكذب وعدم الغش و الأمانه ..............................................
و ياريت نحاول نبعد عن الحاجات اللى بتضييع الوقت او حتى نقللها .
طبعا الشيطان مش هيسيبنا كده , هيقول لنا ده كتير اوى و احنا لسه صغيرين , بس ان شاء الله احنا جدعان و هنفتكر حواره مع الله " قال فبما أغويتنى لأقعدن لهم صراطك المستقيم " و هنفتكر اللى عمله النبى صلى الله عليه و سلم عشانا .

قال رسول الله صلى الله عليه و سلم : " من عاش على شىء مات عليه , و من مات على شىء بُعث عليه "
لعل الله يقبضنا على ا عمل من هذه العمال و يتوفانا و هو راضٍ عنا .
الدال ع الخير كفاعله
اللهم ارزقنا الاٍخلاص و الصدق فى القول و العمل .
و لا تنسونا من دعئكم .
و صلى اللهم و بارك على سيدنا محمد و آله و صحبه اجمعين.
و الحمد لله رب العالمين .

الجدول الأقل عشان ميكنش صعب على حد
الصلاه:-
الفرائض هى هى
السنن و النوافل :-
ركعتين قبل الفجر
أربع ركعات قبل الظهر و اثنين بعده
ركعتين بعد المغرب
ركعتين بعد العشاء
أربع ركعات ضحى
احدى عشر ركعه قيام ليل (8 +3 وتر

القرآن:-
جزء واحد فى اليوم
الصدقه:-
كل يوم لو حتى نصف تمره أو ربع جنيه
الذكر:-
300 صلاه على النبى صلى الله عليه و سلم
100 سحان الله
100 لا اله الا الله
200 استغفار
و أى عدد سبحان الله و بحمده , سبحان الله العظيم و اى عدد سبحان الله و الحمد لله و لا اله الا الله و الله اكبر
و اى عدد لا اله الا انت سبحانك انى كنت من الظالمين
و أذكار الصباح و المساء
و أذكار بعد الصلاه
و أذكار النوم

الجول الثالث و ده ان شاء الله هيكون حد ادنى
الصلاه:-
الفرائض فى اوقاتها و فى المسجد للرجال
السنن و النوافل:-
ركعتين قبل الفجر
ركعتين قبل الظهر و اثنين بعده
ركعتين بعد المغرب
ركعتين بعد العشاء
ركعتين ضحى
أربع ركعات قيام ليل و ثلاثه و تر
الصدقه :-تصدق ولو بشق تمره
الذكر:-
هو هو ان أمكن بس و الله هو مش كتير و حتى جربوا و شوفوا الفرق
القرآن :-
جزء قرآن فى اليوم و ده هياخذ نصف ساعه بس ان شاء الله
و طبعاً الأخلاق و المعاملات مش فيها فصال
و جزاكم الله خيراً ووفقنا الى ما يحب و يرضى
و صلى اللهم و بارك عاى سيدنا محمد و على آله و صحبه أجمعين
و الحمد لله رب العالمين


طبعا ده دلوقت 3 مستويات والاحسن طبعا ان احنا نعمل اول جدول
والتانيين لو متمكناش نقدر نعمل اى واحد فيهم المهم حد ادنى للى قولنا عليه يتعمل

وكل واحد يدخل ويقول هو عمل ايه بامانه

وبفكر عشان نحفز بعض اكتر فى انتهاء رمضان باذن الله نعمل ترتيب للى التزمو واستغلو رمضان اكتر

ياريت يكون فى روح بجد فى الجدول ده ونشجع بعض ونبقى كلنا فى نفس الترتيب

ربنا يرحمنا كلنا ويتقبل مننا

جزاك الله كل خير
اللهم بلغنا رمضان

شكرا للحماس ده ويارب نكون للاحسن دااايماااااا

جزاك الله كل خير يا لافلى انجل ويارب ربنا يوفقنا ويهدينا جميعا

جزاكم الله خيرا

اللهم بلغنا رمضان