ياتري هتعمل مع ابنك كده؟؟؟!!!

(قصة حقيقية)
قد تستغرب من هذا العنوان..
كيف يشتري أحد الأولاد..
جلوس أبيه معه بـ مئة ريال!!!لك الحق ان تتعجب ولكن هذه حقيقة
قد يتبين لك سببا ذلك..
فمن المؤسف حقا..أن بعض الآباء..
لا يعرف أدنى مستوى لمعاني الأبوة..!
سوى..تأمين المسكن والمأكل والملبس..!
فلا يعرف الجلوس مع أولاده..!
قد فقد أولاده الكلمة الحانية..والتوجيه السديد..والنصيحة المشفقة..!
لا يلتقي بأولاده إلا على وجبات الطعام..بل قد يتخلف عنها في بعض الأحيان..!
والسبب هو أن حضرته يكون مشغولا في عمله..أو مع أصدقائه..أو في ذهابه و إيابه..!
فهو يأتي وهم يذهبون..ثم هم يأتون وهو يذهب..ثم يأتي أخر الليل ويجدهم نائمون..وهكذا دواليك..! فأصبحوا كمن فقدوا أباهم..!
ومما يُذكر أن أحد الأولاد..طلب من أبيه أن يجلس معه..
فاعتذر بسب أنه مشغول في تجارته..وأنه بجلوسه معه لمدة ساعة..يفوّت عليه فرصة زيادة دخله مئة ريال..
حينها ذهب الابن وجمع من مصروفه مئة ريال..ثم رجع لأبيه وأعطاه المئة..
وقال: هذه قيمة الساعة التي تجلس فيها معي..!!
فهذا موقف مؤلم ومحزن من مواقف إهمال بعض الآباء لأولاده..
بعدم جلوسه معهم..وتلمس احتياجاتهم..ومؤانستهم..والخروج معهم في نزهة أو سفرة تروح عنهم..
بل يتركهم لمن يربيهم من التلفاز..والشارع..وصديق السوء..!
فإذا وقع الفأس بالرأس..! تذكر إهماله و تقصيره بحق أولاده..
ولو علم الأب المسكين أن أولاده هم أغلى ثروة يحصل عليها في هذه الدنيا..
وأنهم أمانة في عنقه..وأنه راعي ومسؤول عنهم..وأنه لو مات وهو غاش لهم أن الجنة عليه حرام..
لما ضيع هذه الأمانة العظيمة..ولما قدم تجارته وأصدقائه على أولاده..
ولترك كل شيء في سبيل جلوسه مع أولاده.. ولجتهد في تربيتهم التربية الصحيحة على الكتاب والسنة..
ولكن يظن بعض الآباء أنه بتأمينه لأولاده المسكن والمأكل والملبس..
أنه بذلك أدى الأمانة..! ولم يعلم هذا المسكين أن هذه الأمور قد يقوم بها أي أحد..!
أما تربيتهم والعطف عليهم.. والجلوس معهم..وتربيتهم التربية الصحيحة..فهذه أمور لا يحسنها إلا الأب..

والله ولي التوفيق..
وصلى الله على نبينا محمد
26/3/1428

معلش نسيت اسألكو ياتري عاوزين تربو اولادكم ازاي وايه اجمل حاجة في تربية آباءكم ليكم وحاجة انتم ناويين تضيفوها او تهتمو بيها اكتر من اهتمام آباءكم بيها
الموضوع دة اتفتح ادامي وسمعت كلام جامد اوي بس كان بين ناس كبيرة شوية يعني اكبر منناوهيبتدو فعلا مسئولية التربية فحبيت اعرف آراءنا كجيل جديد ان شاء الله هنبقي بعدهم ويارب نكون احسن منهم ونتعلم من أخطاءهم

بجد موضوع جميل اوى ومهم اوى اوى

بجد دلوقت انتشرت ان الولاد مبقوش لاقيهم اهاليهم حواليهم
والموضوع كمان مبقاش مقتصر على الاب وبس لا كمان على الام متبقاش موجوده هى كمان

والمشكله انهم بيفتكرو تقصيرهم ده لما الاولاد يقعو فى مشكله كبيره تلاقيهم بيزعقو ويبهدلو الاولاد
طب سؤال لو انت معلمتهمش مين اللى هيعلمهم لو انت مربتهمش مين اللى هيربيهم لو انت مقولتش ده صح وده غلط مين اللى هيقولهم؟؟؟؟؟؟؟؟؟

الموضوع بجد كبير وسبب انتشار الجرايم كده اما الاهل جهله او الاب والام كل همهم الفلوس وسايبين اولادهم

موضوع راااااااائع

شكراااااااااااااااااا ومستنين المزييييييييييييييييييييييييييييييد

والله انا اللى حباااااه اوى وحسه معناه دلوقت من ماما وبابا

ان لازم اكون صاحبه اولادى فى كل حاجه وميبقاش العقاب من اول مره لازم انبه مره وادى الفرصه لابنى عشان يحكيلى على طووول


وبصراحه اسلوب الضرب المبرح اللى احنا بنسمع عليه ده اانا ضددددددده تماااااااااما بكل الاشكال لانى انا لو وصلت لدرجه ثقه بينى وبين اولادى كبيره واعتبرونى صاحبتهم هيبقى عقاب كبير عليهم انى مكلمهمش وده اللى انا نفسى بجد اعمله

ونفسى اعرفهم دينهم كويس واعرفهم كل حاجه عن الدنيا وقبل ميخافو منى يخافو من ربنا الى اكبر منى ومنهم حتى
وطبعا لكل حاجه حدووووووووووود

صدقينى احنا لو ربينا فى اولادنا معنى دينا والاخلاقيات بتاعتنا وزرعناها صح جواهم عمرهم مهيتجهو غلط طول حياتهم

لان الاساس مهم اووووووى فى الانسان

وكمان الحاجه الى انا بجد ههتم بيها اوى هما اصحااااب ولادى لازم ااعرفهم واكسب حبهم عشان يبقى الكل ماشى صح


شكراااااا على الاضافه الجميله ده

اولا انا فرحانة ان الموضوع عجبك ولانه مهم وخطير انا كتبت عنه
اما زي ماقلتي فانشغال الام كمان معناه انهيار للاولاد ومصائب وجرائم
علشان كدة ياريت كل اللي يشاركني يكتب عن رايه هل هو مع توزيع الادوار بين الام والاب ولا المفروض يبقو مع بعض في كل قرار مش قصدي في شغل البيت (طبيخ-غسيل00000000)ده طبعا خاص بالمرأة ولكن بتكلم عن الاولاد
انا عن نفسي وتجارب كتييييييييييره حصلت لينا كلنا ان ممكن يكون فيه موضوع صغيرولو إتصرف فيه طرف لوحده كان كبر اوي
عاوزة اقول كمان ان الاب او الام اللي يوصل لمرحلة الصداقة مع اولاده يعرف انه ربي صح

طبعا انا مع التربيه لازم تكون مشتركه بين الاتنين

لان لو سبناها للام احنا طبيعتنا كبنااات بجد قلبنا بيبقى ضعيف اوى يعنى مش هنعرف فى كل الاوقات نشد اوى على اولادنا ولازم كمان الاولاد يعرفو ان باباهم متابعهم وعارف كل حاجه عنهم

وكمان مشكله الاباء اللى بيسيبو التربيه للام يوم م اللابن يرتكب الغلط بيرمو اللوم على الام مش على الابن فبدل من اى مشاكل المفروض تكون التربيه مشتركه بين الاتنين

ومفيش حاجه اسمها بابا هو الى يوافق مثلا وماما ملهاش دعوه او العكس

انا عن نفسى متعوده يوم محتاج حاجه لازم هما الاتنين اقولهم ويوافقو

لكن فى ناس والله اعرفهم باباهم ملوش اى علاقه بتربيه الولاد الام هى الى تزعق وهى اللى تحاسب وهى اللى تربى وهى اللى تعمل كل حاجه وده ربى جوا اولاده صوره غلط عن الاب وبقو جواهم ان الاب هو اللى بيجيبلنا الفلوووس وبس يعنى وجوده من عدمه مش فارق مادام الفلوس موجوده

لازم بجد اولادنا يفهمو ادوارنا صح عشان لما يكبرو يعرفو يتعاملو مع اولادهم صح

وبجد موضوعك اكتر من راااااااااااااااااااااااااااااااائع

انا مع ديفيد فى رايه لان كلامه مظبوووووووووط

David Beckham كتب:

الحل الوحيد ودي المشكلة انك تكون مصاحب ابنك
لو وصلت للمرحلة دي خلاص كله بيبقى تمام

فعلا كلامك صح و دا الحل الكويس جدا و بجد ياريت كمل الابهات يعملوا كدة و المشاكل كلها تتحل
و الام تبقى صاحبه بناتها