الهيصه فى الزفه.....ادخل و افهم بنفسك

السلام عليكم
صباح الخير او مساء الخير
اتعودنا مع بعض على الجرءه و الصراحه زى ما شوفتوا فى كل مواضيعى و على الضحك
النهارده كمان فيه ضحك بس بجد موضوع جميل جدا

عمرك اخدت بالك من طريقه تصرف المصريين مع اى حاجه فى الدنيا هما مش فاهمنها؟
انا اقدر اقولك انه فى الغالب ان الحاجه دى لو مش منتشره قوى بيهاجموها و يتريقوا عليها
اما لو منتشره تلاقيهم كلهم بيهيصوا فى الزفه و ماشيين وراها و عمالين يقولوا هييه هييه
متستغربيش قوى كدا و تفتحى بقك من الدهشه ايوه انتى انا شايفك .....الموضوع دا بجد بيحصل كتير بس انا هكتفى بمثال واحد......... و هوه محمد منير
الى كان بيسمع محمد منير من حوالى 7 او 8 سنين كان بيسمعه و هوه مكسوف... بيسمعه فى السر و مبيقولش لحد ان هوه بيسمعه علشان لو حد عرف مش هيرحمه تريقه على المغنى الى عنده شلل فى ايده و رجله و بيتشنج على المسرح...انما دلوقتى ادخل او ادخلى على الماسنجر او الفيس بوك او اى حاجه فيها نك نيم هتلاقى الدنيا كلها حاطه النك نيمز من الشريط الجديد بتاع الكنج....
الحاله الى عليها الناس دلوقتى هيه الى عبر عنها واحد صاحبى بتعبير عجبنى جدا... قالى (اصل الموضوع دلوقتى بقى سقف سقف ليقولوا عليك عبيط) يعنى زيط فى الزحمه ليقولوا عليك مبتفهمش
علشان كدا تلاقى اغلب الناس الى بتتكلم عن منير دلوقتى متعرفش اغانيه القديمه و لو سالت واحد فيهم عن اغنيه ساح يا مداح هتلاقى على وشه نفس علامه الدهشه الى لقاها كولومبوس على وش احد سكان الاصليين لامريكا الشماليه بعد اما فرجه على البوصله.... او على وش حسين فهمى لما عرف ان ابوه و نور الشريف كانوا تجار مخدرات فى فيلم العار.......

اه كان فيه مرحله ساعدت منير على الاكتساح و هيه الفتره الى كانت مبين شريط الفرحه لغايه شريط قلبى مساكن شعبيه و بخاصه اغنيه لما النسيم الى لاقت اعجاب فظيع من الجماهير و منى انا شخصيا
محمد منير يا جماعه فنان جميل بس معلش انا بحس حاجه من الاتنين
يا اما هوه بيشتغلنا فى اغانيه الى محدش بيعرف يحفظها او اما ان الراجل دا جاى من كوكب تانى و بيتكلم لغه الدنيا كلها عارفاها الا انا
زى اغنيه (نيجيرى بيه) (شمندوره)
الا دا برضه ميمنعش ان الكتير بيهللوا علشان ميبقاش منظرهم وحش و يتقال عليهم مبيفهموش
علشان كدا محمد منير بقى تمثيل لحاله من حالات المجتمع المصرى... صحيح ما هوه حدوته مصريه

فى النهايه يا جماعه انا بحب منير جدا و بعش اغانيه بس مش كلها بس دى كانت وجهه نظر و لازم اطرحها عليكم
يا رب يكون الموضوع عجبكم انا عارف ان دمه تقيل ... معلش استحملونى بقى
الى الحلقه المقبله من
جعلونى متمردا......
سلام

الصراحه

ليا

هو انا بلاقى ليه بعض الاغانى الحلوه وخصوصا بتاع مصر او ف مسلسلات مثلا

انما الاغانى الفردى دى مبقتنعش بيها

ايه يقلك ( سو يا سو حبيبى حبسوه )
هههههههههههههه

................................


تحياتى