العييييييييب فى مين

ازيكو يا جماعه انا حبيت اتناقش معاكو فى موضوع بجد بقى كتير اوى


فى ناس كتير اوى بتحكم على الانسان من مظهره وشكله ويقعدو يتكلمو عليه فى كل حاجه بيعملها ويوم ميعمل خير يتعجبو اوى مع ا نهم ميعرفهوش ولو نجح فى حياته يقعدو يقولو ازاى

يا ترى وصلنا لليوم ان الواحد يشوف اى حد يحكم عليه وياخد عنه فكره مع نفسه

انا مثلا جيت فى ايام الامتحانات اتعرفت على ناس كتير اوى مكنتش اعرفهم بعد ميتكلمو معايا وناخد وندى مع بعض لتلاقيهم يقولولوى ايه ده والله انتى شكلك يقول انك متكبره ومغروره بس لما اتكلمنا معاكى انتى غير كده خااااالص

ولما اسالهم ليه قولتو كده يقولو شكلك بيقول كده طب ليه يا جماعه ده انا عمرى مكنت متكبره يقولو الحمد لله ان الفكره اتصلحت بس ده فلانه قالت كده وعلانه بتقول بصتك تقول كده والتالته تقول اصلك بصيتى لمش عارفه مين بصه تحسس الناس بكده مع انى والله معملت كده مع حد ومعرفهمش اصلا


ده مثااااااال صغير

تفتكرو العيب فى مييييين ؟؟؟؟؟؟؟؟؟؟؟؟؟؟؟؟؟؟؟

مستنيه ردودكو ولو اى حد حصل معاه موقف زى ده يقولو عشان نتعلم

فعلا انا بلاحظ الموضوع ده كتير اتذكر واحدحصلي وانافي المدرسة في3ع
كنت جديدة علي درس خصوصي انا وصاحبتي وكنا احنا الاثنين في مدرسة خاصة وباقي المجموعة كلها في مدرسة عادية وعادي لاننا مكناش عارفين حد في المجموعة الكبيرة اللهم الا اتنين او تلاتة فكنا بندخل نجلس بجانب بعض ونقوم نروح وحتي من غير منكلم حد ملحقناش نعرف حد كان يدوب بينا سلام وابتسامة وبعد حصتين اكتشفنا اننا بقينا مشهورين اننا متكبرين وكمان لقينا في قصص بينهم ان واحدة مرة حاولت تكلمنا واحنا قولنالها ان ده مينفعش وكلام غريب كده انها مش من مستوانا وعلي فكرة عرفت كل حاجة اتقالت ومبيناش قلت لصاحبتي نبدا بلي قالت الكلام ده منكرش اني كنت مضايقة منها اوي بس حاولت اكون طبيعية معاها ومن غير مقول حاجة لقيت زمايلنا بيقولولها ازاي قلتي عنها كده وبتقفي معاها وتكلميها وعاملت الباقي وعرفه الحقيقة من غير حتي لما اعاتبهم علي اللي قالوه
اعتقد ان المواضيع دى بتحتاج شوية زكاء اجتماعي وكنت اول مرة استخدمه وعشان كده حكيت لكم الموضوع رغم قدمه بس مأثر فيه لاني يمكن كانت دى اول مرة اتمالك نفسي ومتصرفش بتهور
هاه وانتم شايفين زي ما أنا شايفه اني فعلا اتصرفت صح ؟؟؟

على فكرة
كتير اوى م اللى بيقولوا كلام كتير فى حق الواح من غير ميتعاملوا معاه كتير منهم بيكون نتيجة شعور بالغيرة من جواهم وهما بينكروا الشعور دة
يعنى من جواهم حاسيين بالغيرة او الحقد وبينكروا الشعور دة جواهم وبيظهروا انهم عادى
ولما بيتعاملوا مع الناس دى يلاقوا انهم غالطانين وانهم كويسين
بجد يا جماعة متخلوش الحاجات دى تضايقكم
لان مستحيل ترضى كل الناس او تكون عند حسن ظن الجميع بنسبة 100%

حاولوا تخلوا دى متاثرش عليكوا

وموضوع بجد جميل

والله يا جماعه انا عمرى محطيت فى بالى بس المشكله ان اللى بيعمل كده مش بياخد الفكره ده ويحطها جواه لا ده بيشوش صوره لشخص ده عند اى حد يشوفه

طب ايه الذنب اللى بيتكلمو عليه ده وليه بيعملو كده

يمكن زى الباشمهندس مقال بتبقى غيره وحقد بس انا شايفه ان الدنيا مش مستاهله ان الواحد يتكلم فى اعراض وصوره الناس ويشوشها

مستنيه اراااائكووو


ورمضااااااان كرييييييييييييييييييم

طيب انا اهوة لا ليا فدا ولا فدا و فحالى جدا كله بيقول متكبرة دى كذا دى كذا مع انى كويسة جدا الحمد لله

مش عارفه اقول ايه غير حسب الله ونعم الوكيل فى كل انسان ظلم انسان تانى او شوش صورته من غير اى وجه حق

شكرا لمشاركتووووووووو

lovely angel كتب:

مش عارفه اقول ايه غير حسب الله ونعم الوكيل فى كل انسان ظلم انسان تانى او شوش صورته من غير اى وجه حق

شكرا لمشاركتووووووووو

بجد مفيش حاجة تتقال غير حسبى الله ونعم الوكيل

موضوع جميل جدا lovely angel

lovely angel كتب:

مش عارفه اقول ايه غير حسب الله ونعم الوكيل فى كل انسان ظلم انسان تانى او شوش صورته من غير اى وجه حق

شكرا لمشاركتووووووووو

انا بقول بقى ربنا يسامح اى حد ظامنى او اتكلم عليا بغير وجه حق انا اخدت حسنات على كدة خلاص
و العفو عند المقدرة

تمام يا فيكتوريا
بس على فكره فى ناس مهما تسامحيهم برده بيضروكى وانتى اكتر حد عارفه كده
عشان كده انا بقول حسب الله ونعم الوكيل فيهم ربنا قادر عليهم ولو كنت انا اللى ظالمه ربنا يديلهم حقم

وطبعا انتى عارفه انى بسامح لان الناس كلها بتغلط بس زى مقولتلك فى ناس مبتتردش وتفتكر ان تسامحك ده ضعف

يلا رربنا يهدينا كلنا



شكرا لمروركووووووووووو

يا لوفلى انا فاهمة بس بلاش تدعى على حد كفاية حسبى الله و نعم الوكيل او منه لله متدعيش على حد انا عرفاكى دعوتك مستجابة ربنا يقوى ايمانك