عملت ايه النهاردة في رمضان؟؟؟

و الله انا هحكيلكم حكايه يوميات شلبى و هوه صايم
اولا بصلى طبعا الفجر حاضر بعد السحور و ادخل اتخمد على طول اصحى مع اذان صلاه الظهر اصليه برضه حاضر فى الجامع و ارجع البيت احط المخده على بطنى و اقول احد احد
و لما احس ان انا فيا قوه كدا اقوم اقرا قران كتيييييير و ييجى العصر و نصلى و نكمل قران لغايه اما المغرب ياذن
اطلع جرى من الاوده بتاعتى على السفرخه مش شايف حاجه قدامى غير الفرخه الى على الطرابيزه و جمبها كبايه الميه
المهم بعد الفطار تبتدى رحله العذاب
بحس بتقل فظيع و انى مش قادر( دا طبعا لانى بكبسها فى الاكل ) جعاااان بقى

و تبدا رحلتى بعد الفطار انزل اخد اصحابى و نبدء من الساعه 8 لغايه الساعه 2 و نص باليل فى التنقل ما بين الكافتريات ابتداءا با التالى
الكرنك
سيتى تاور
اولبد فريندز
ليالى الحلميه
ليالى الشرق
دردشه
الوادى
الواحه و اخيرا نختمها بسحور من عند طبانه او عبد الحميد الى فى قبلى و هكذا
كل يوم بعد الفطار ناخد جولتنا على كل الكافتريات دى نشرب فى كل كافتريا حاجه و بعدها نتسحر و نروح
بس اجمل ما فى الموضوع اننا بنشوف اصحابنا كلهم فى اليوم الواحد يعنى مفيش حاجه اسمها ما قابلتش فلان
لاننا اكيد بنقابله

موضوع جميل جدا و تقبلوا مرورى

يا جامد يا ابو شلبى

lol!

يوه 9 رمضان الحمد لله صليت الفجر حاضر و الفروض كلها بس مقرتش قران و لا صليت تراويح

يوم 10 رمضان قريت قران كتير
و صليت الفروض الخمسة
و التراويح

11 و 12 و 13 اام كويسة جدا و جريت فالقران فيها و صليت التراويح الحمد لله و الفروض كلها انا بقيت فالجزء السادس عشر

يوم 14 رمضان بصراحة كنت تعبانة جدا جدا جدا و بعد الفطار رحت المستشفى بس على ما وصلت المستشفى كنت بقيت كويسة و روحت بس مصلتش التراويح و لا قريت قران بس الحمد لله جت سليمة

يوم 15 رمضان تعبت بردو عد الفطار شوية بس اقل من امبارح يعنى و نزلت صليت الحمد لله و قريت لحد الجزء الثامن عشر الحمد لله

يوم 16 ياااااااااااااااااااااااااااه على روعة اليوم دا رحت ندوة مصطفى حسنى غيرت مفاهيم و معانى كتير اوى عندى و رجعت حاسة انى طايرة ربنا يا رب يجازيه كل خير و ينصره و يعز الاسلام بيه هو والى زيه

اقتباس :: يوم 14 رمضان بصراحة كنت تعبانة جدا جدا جدا و بعد الفطار رحت المستشفى بس على ما وصلت المستشفى كنت بقيت كويسة و روحت بس مصلتش التراويح و لا قريت قران بس الحمد لله جت سليمة

ألف سلامة عليكى والحمد لله انك بقيتى كويسة

اقتباس :: يوم 16 ياااااااااااااااااااااااااااه على روعة اليوم دا رحت ندوة مصطفى حسنى غيرت مفاهيم و معانى كتير اوى عندى و رجعت حاسة انى طايرة ربنا يا رب يجازيه كل خير و ينصره و يعز الاسلام بيه هو والى زيه

انا والله كان نفسى اروح بس ما عرفتش غير تانى يوم

بسم الله الرحمن الرحيم " إِنَّا أَنزَلْنَاهُ فِي لَيْلَةِ الْقَدْرِ {1} وَمَا أَدْرَاكَ مَا لَيْلَةُ الْقَدْرِ {2} لَيْلَةُ الْقَدْرِ خَيْرٌ مِّنْ أَلْفِ شَهْرٍ

{3} تَنَزَّلُ الْمَلائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ {4} سَلامٌ هِيَ حَتَّى مَطْلَعِ الْفَجْرِ {5} " صدق الله العظيم