هاااااااااااام لكل بنت قبل الولد

زائر

احذروا يا شباب.......احذرن يا بنات

هل اختفى عصر الحب الحقيقى فعلا من حياتنا؟
هل انتهى عهد الرومانسية؟
زمان الواحدة لو بتحب واحد مكنش عندها اى مانع انها تتجوزه لو مستواه تحت الصفر وتكافح معاه لحد مربنا يكرمة وبتكون مبسوطة جدا وفى قمة السعادة وهى حاطة ايدها فى ايد جوزها (اسمحولى اقول حبيبها )
وهى حاطة ايدها فى ايد حبيبها وبتكافح معاه وهى مقتنعه \باللى بتعمله وان ايد لوحدها مبتسقفش
وكانت على استعداد تحمل الكثير من الهموم والمشاكل
وكان فى المقابل يسعى الحبيب الى عمل المستحيل لمجرد ان يرى مجرد ابتسامة على وجه حبيبتة التى زاد مقدارها عندة بعد وقوفها بجانبة
وكان ينتج على ذلك بجاح العائلة والاسرة وربنا يكرمهم
لانهم مقتنعين بمبدا ان محدش بيكبر مرة واحدة

دلوقتى
بالنسبة للشباب
عاوز كل حاجة تجيله على الجاهز من غير ميتعب فيها
عاوز يخلص دراستة بسرعة و يتجوز بسرعة ويكبر اسرع لو مكنش كبير
والبنات
مش عارف الكلام اللى هقولة دلوقتى بقى بصفة عامة ولا ايه بجد مش عارف
بس البنت معندهاش مانع تحب واحد وتفضل معاه
بس لازميتجوزها اول متخلص
ولو طلب منها تستناه سنة او سنتين
تقوله اسفة
وكانها بتدور على شاب تتجوزة وخلاص
وبتقول مش مهم لاحب هييجى بعد الجواز بس المهم يكون مبسوط ويجيبلى......و.......و.......و........
والحب هييجى بعد الجواز بقى وخلاص مش مهم
والشاب اللى حبها
يلا اهو مسيرة يحب وينسانى
وكان الحب دة حاجة عادية سهل تتنسى
بجد انا مش عارف؟
ترى دة اصبح الحب اليوم؟ام ماذا؟

ونتيجه لذلك حصل الامر الذى لم يحُمد عقباه ابدا

ومن هنا جه الخطر والى بنقول يا بنات احذرواااااااااااااااااا جدااااااااااااااااااااااااااااااا
ومتامنوش بالساهل وخدوا بالكم
يا جماعه انتوا يمكن عشان فى جامعة المنوفية مش حاسيين بالاختلاط وعلاقات الحب وحاجات كتير اوى بتحصل فى جامعات كتير اوى فى مصر
يابنات احذروا من الشباب الايام دى اوى اوى اوى
بجد والله انا لما بشوف اصحابى وعمايلهم بيصعب عليا البنات كتير بس للاسف مش بقدر اعمل حاجة
وكنت اعرف اللى بيعمله معظم الشباب الايام دى بس كنت برفضة لانى مرضهاش ليا
منكرش انى فعلا حبيت ومريت بتجربة حب بس بجد يا جماعة اللى يوصل مننا للسن دة فى الجامعة وعمرة ممر بتجربة حب بجد يبقى هو فى عندة مشكلة كبييييييييييييييييييييييييييييييييييرة جدااااااااااااااااااااااا
المهم
دلوقتى الشباب بياخدوا البنات دول الز واجمل تسلية ولعبة بيلعبوها
الواحد عشان يخلى البنت معاه على طول يقولها بحبك ويعمل عليها انه بيحبها
ولما البنت دىتكون ساذجة او معندهاش خبرة بتصدق
واول ميلاقيها سلمت يبدا يعمل بقى حاجات متدلش على اى حب بس عشان البنت من سذاجتها مبتاخدش بالها وتفضل مخدوعة لغاية ميواجهها بالحقيقة انها كانت مجرد صديقة او زميلة دة لو مطورش بيها العلاقة ووصلت لجواز عرفى
ايوه
جواز عرفى وبيحصل فى جميع كليات وجامعات مصر كلها للاسف
وساعتها البنت بتبقى هى الضحية الوحيدة
ودة اللى اتكلمنا عنه نوع من الشباب

وايه يا بنات
ممكن واحد يروح يقول لبنت انه بيحبها لمجرد انه يغيظ واحد صاحبة بيحبها ومش قادر يكلمها عشان معندوش جراه وذنبة انه كان بيفضفض مع واحد صاحبة خاين
يروح يكلمها ويطور علاقتة بيها عشان يغيظ صاحبة
لا وايه
دة ممكن يوهم نفسة انه بيحبها عشان شايف ان صاحبة بيحبها ولما يتاكد ان صاحبة بعد وهينساها يبدا يسيب البنت دى وهى مجروحة جرح فى شىء ما اصعب جرحه
مجروحة فى قلبها
قد كدة الحب بقى وهم؟!!!!! بجد انا مش عارف؟

وفو شاب بيروح يكلم بنت فى الكلية المفروض انها زميلتة بس نيته مفهاش اى اعتبار انها زميلتة
يبدا يفتح معاها حوار بقى عن الكلية والمذاكرة والورق والكورسات وشوية ويتكلم عن الكلية ولادكاترة والمعيدين
وشوية بشوية يبدا يفتح معاها حوارات تانية ومواضيع خارج نطاق الجامعة
كل دة ليه
عشان عايز يبقى اسمه انه زى مبيقولوا بيقف معاها ويحكى بقى لاصحابة الصبيان عشان يوريهم انه واد جامد وهيعلق البنت دى وكذا وكذا
ويخلى اصحابة يعدوا يتفرجوا عليه وهو واقف معاها
وطبعا مش هيقفوا ساكتين
لا
يعدوا بقى يتكلموا بينهم وبين بعض ويتكلموا عن البنت ويقثولوا كلام عنها مش سليم ومش صح وغلط ويعيبوا فى اخلاقها وشوية شوية يعيبوا فى شرفها
ومش ممكن يلاقى مانع صاحبنا لو طلب من زمايلة يصوروه وهو واقف بيكلمها
عشان يبقى بيرضى غرورة وانه وقف واتصور معاها وبيكلمها
اى حال هذا بالله عليكم؟

بالزمة مش حاجة تحزن وتضايق؟

اما نظام الايام دى واللى شايع اوى ومنتشر جدا بين الشباب فى جامعات كتير اوى
الصراحة انا اتصدمت اوى فى الشباب اللى انا واحد منهم
دلوقتى يا بنات الشاب مبقاش بيكتفى ببنت واحدة او ببنتين
لا دة ايه
بيقسمهم كمان
والله العظيم بيقسمهم
دلوقتى الشباب بيبصوا للبنات على انهم مجرد.................. انا مش قادر اقول بجد
بس دة اللى بيحصل
الشاب الايام دى بقى بيقسم البنات
البنت اللى يتجوزها
والبنت اللى يحبها
والبنت اللى يخرج معاها ويتفسح معاها
والبنت اللى يصاحبها
اد كدة الحب والمشاعر بقت حاجة رخيصة؟!!!!!!!!!!!!!!!!!!!!!!!!!!!!
انا مش عارف؟
والله العظيم دة بيحصل
بجد احمدوا ربنا انكوا فى جامعة المنوفية
يعنى معندكمش الاختلاط زى مهو موجود عندنا او فى جامعات كتير
وغالبيتكم متمسكين بمبادىء دينهم
ولسة موصلش عندكوا الحال لكدة الى وقتنا هذا؟

شوفتوا اد ايه بقى معظم الشباب بيبصوا للبنات على انها سلعة؟

ولما سالت واحد ازاى يعنى بنت تتجوزها وبنت تحبها امال اللى هتتجوزها دى مش هتكون بتحبها؟
قالى لا
انا من اللى بشوفة الايام دى من البنات
الواحد مبيامنش لاى واحدة
انا احبلى واحدة منهم واقضى معاها
بس لما اقول يا دجواز
لازم تكون واحدة تعرف ربنا وتربيلى عيالى كويس
ولما سالتة وايه ذنب البنت اللى وهمتها انك مش هتستغنى عنها و..........و...........و.......ز
سكت

بجد يا جماعة فى بنات بتلبس لبس مش كويس بس محترمين جدا وانا اتعاملت مع كتير منهم ولقيتهم محترمين جدا بس مجرد انها بتحب تلبس على الموضة

بس ايه ذنب البنت انها تتخدع؟
يا جماعه انا بتكلم على اللىبيعملة الشباب فى البنات عشان تاخدوا بالكم
ومش معنى كدة ان مفيش بنات بتعمل كدة
بالعكس
دة يمكن من عمايل البنات وبيعهم للحب دة اللى خلى الولاد يعملوا كدة
وبجد يا جماعه والله انا شوفت الحاجات دى بس على بنات
للاسف
العيب موجود فى الولاد والبنات
بس انا شايف انكم بنات محترمين وكويسين وموضوع الاختلاط دة شوية عندكوا
بس احذروا من المرحلة الانتقالية من اللا اختلاط الى الاختلاط
ساعتها
هتلاقو كل اللى بقولكم عليه دة
انا بقولكم من دلوقتى عشان تاخدوا بالكم
ومتقعوش فى اللى وقع فيه غيركم قبلكم كتيييييييييييييييير

يابنات
خدوا بالكم
واعملوا حدود فى كل حاجة
واتقوا الله فى الشباب واياكم وخديعة شاب

ويا شباب
بردة خدوا بالكم
وبلاش حركات العيال بتاعتكم دى وتعد تحكى لفلان وعلان والحركات اللى بتحصل دى
واتقوا الله فى البنات

وتذكروا جميعا صبيان وبنات
متعملش لغيرك اللى مترضاهوش لنفسك

الدنيا يوم ليك ويوم عليك

وكما تُدين...................

.....................تُدااااااااااااان

ياريت يكون وجهة نظرى وصلت لكل قارىء للموضوع دة
وشكرا ليكم

(اللهم ارحم امه محمد وارحمنا من عذاب الاخرة وعذاب القبر)
اللهم اّمين

زائر

الحب
قول يا زمان ارجع يا زمان

للاسف مفيش حد بقى يخاف على مشاعر حد ولا يقدر الجرح ولا بيقدر اى احساس

بقى نورمال ان الواحد يجرح بقى عادى ان الواحد يظلم انسان حبه بجد

عارف لما تحس ان الدنيا ده رخيصه اوووى ومفيش حد يستاهل انه يتحب

اهو الاحساس ده بقى جوانا

بجد كلامك حلو اوى وواقعى فعلا ويمكن من الاسباب الى مخلتنيش احول ان احنا هنا منغلقين وفيه لسه مبادىء

ربنا يهدينا كلنا

ولو الواحد يعرف انه كله سلف ودين هيتقى ربنا فى كل حاجه بيعملها

بشكرك اوى وربنا يحطهولك فى ميزان حسناتك

بجد مشكوووووووووووووووووووووووووور

فعلا النساء فتنة
وانا كبنت بفضل الله لم وان شاء الله لن افعل اي شيء يغضب ربي واقسم بالله علي هذا
وحضرتك قلت كلام غاية في الروعة والجمال وخصوصا

اقتباس :: مش ممكن يلاقى مانع صاحبنا لو طلب من زمايلة يصوروه وهو واقف بيكلمها
عشان يبقى بيرضى غرورة وانه وقف واتصور معاها وبيكلمها

كان نفسي انبه للموضوع ده في موضوع الصداقة بين الجنسين
حتي البنات اللي هتقول انها بتقف مع واحد محترم بتساله علي حاجه 000منتش ضامنة الكلية كلها
واتقوا الشبهات

زائر

lovely angel كتب:: الحب
قول يا زمان ارجع يا زمان

للاسف مفيش حد بقى يخاف على مشاعر حد ولا يقدر الجرح ولا بيقدر اى احساس

بقى نورمال ان الواحد يجرح بقى عادى ان الواحد يظلم انسان حبه بجد

عارف لما تحس ان الدنيا ده رخيصه اوووى ومفيش حد يستاهل انه يتحب

اهو الاحساس ده بقى جوانا

بجد كلامك حلو اوى وواقعى فعلا ويمكن من الاسباب الى مخلتنيش احول ان احنا هنا منغلقين وفيه لسه مبادىء

ربنا يهدينا كلنا

ولو الواحد يعرف انه كله سلف ودين هيتقى ربنا فى كل حاجه بيعملها

بشكرك اوى وربنا يحطهولك فى ميزان حسناتك

بجد مشكوووووووووووووووووووووووووور

شكرا ليكىlovely angel على المرور
وبجد شكرا ليكى جدا على اكلام الجميل دة لان كلامك اكدلى ان المعلومة وصلتك بنسبة 100% واى قدرت اوضحلكم بعض اللى بيحصل من شباب مش كويس

بجد كلامك عاقل جدا وجميل ان فى لسة بنات كدة

اما بخصوص ان الدنيا رخيصة فاسمها لوحدة يدل على كدة

اما ان بقى خلاص مفيش حد يستاهل يتحب
فاحب اقلك متخلي تجربة فاشلة تاثر عليكى

lovely angel
الشاطر اللى لما يَضَرب يقوم ويقف على رجليه وبسرعة
مش يفكر فى الضربة اللى خدها

بلاش تستسلمى وواجهى بكل قوى
وشكرا على المرور

زائر

pismistic كتب:

فعلا النساء فتنة
وانا كبنت بفضل الله لم وان شاء الله لن افعل اي شيء يغضب ربي واقسم بالله علي هذا
وحضرتك قلت كلام غاية في الروعة والجمال وخصوصا

اقتباس :: مش ممكن يلاقى مانع صاحبنا لو طلب من زمايلة يصوروه وهو واقف بيكلمها
عشان يبقى بيرضى غرورة وانه وقف واتصور معاها وبيكلمها

كان نفسي انبه للموضوع ده في موضوع الصداقة بين الجنسين
حتي البنات اللي هتقول انها بتقف مع واحد محترم بتساله علي حاجه 000منتش ضامنة الكلية كلها
واتقوا الشبهات

بجد انا مبسوط جدا لانى قدرت اوضح بعض الحقائق ليكم بنسبة 100%

شكرا ليكى pismistic
بس متنسيش
زى مفى الكويس فى اللى مش كويس

زائر

عارف يا كينج

مش شرط الى يتعب الانسان تجربه حب فاشله لا
اللى يتعب الانسان ان مبقاش الحب بس هو اللى بيفشل لا الناس دلوقت بقت تتعامل عشان المصالح
وادامك بوش ومن وراك بوش تانى

اللى يصاحبك عشان مصلحه ليه وهكذااا

بجد انا بسمع وبشوف حاجات تعقد اه محصلتش معايا بس الواحد بيزعل لما يلاقى فى ناس بتجرح ناس كده

عارف والله انا ربناواعدنى باصحاب جمال جدا وبحبهم جدا
دول كفايه عليا

وبجد موضوع راااائع جدا

زائر

الله عليك يا ملك
بجد موضوع راااااااااااااااااائع جدا
انا كنت بفكر انى اكتب موضوع كدة
بس بجد عمرى مكان ممكن يطلع منى موضوع بالجمال دة
انت تقريبا ذكرت كل مقالب والحركات وحاجات كمان مكنتش اعرفها
بجد
جزاك الله كل خير

زائر

lovely angel كتب:: عارف يا كينج

مش شرط الى يتعب الانسان تجربه حب فاشله لا
اللى يتعب الانسان ان مبقاش الحب بس هو اللى بيفشل لا الناس دلوقت بقت تتعامل عشان المصالح
وادامك بوش ومن وراك بوش تانى

اللى يصاحبك عشان مصلحه ليه وهكذااا

بجد انا بسمع وبشوف حاجات تعقد اه محصلتش معايا بس الواحد بيزعل لما يلاقى فى ناس بتجرح ناس كده

عارف والله انا ربناواعدنى باصحاب جمال جدا وبحبهم جدا
دول كفايه عليا

وبجد موضوع راااائع جدا

بجد انا متفق معاكى فى كل كلمة قلتيها
وعارفة lovely angel
المشكلة ان اللى بيجرح
مش بيفكر ولو للحظة ايه نتيجه جرحة للى قدامة
والله لو كل واحد بيجرح حد فكر ولو للحظه فى تاثير دة عليه
كان يعتزرلة على اللى كان هيعمله منغير ميعملة من شدة الندم

شكرا ليكىlovely angel

زائر

MUHAMMAD كتب:: الله عليك يا ملك
بجد موضوع راااااااااااااااااائع جدا
انا كنت بفكر انى اكتب موضوع كدة
بس بجد عمرى مكان ممكن يطلع منى موضوع بالجمال دة
انت تقريبا ذكرت كل مقالب والحركات وحاجات كمان مكنتش اعرفها
بجد
جزاك الله كل خير

شكرا ليكMUHAMMAD على التشجيع دة
بس بجد مكنش ينفع ابخل على بنات كويسة ى الموجودين هنا على المنتدى ببعض الحركات الحقيرة اللى الشباب بيعملوها
ونفس الحركات بردة بتعملها البنات فى الولاد

بس اللى شدنى بجد انى مقابلتش بنات كويسة زى اللى قابلتهم هنا فى المنتدى
وشكرا ليك مرة تانية على التشجيع الجميل دة MUHAMMAD

انت كنج والله في الكلام اللي قولتو ده

بجد الموضوع بقى صعب قوي ربنا يتولانا

زائر

mostafa كتب:: انت كنج والله في الكلام اللي قولتو ده

بجد الموضوع بقى صعب قوي ربنا يتولانا

شكرا ليك على المرور mostafa

انا شايفة ان عصر الرومانسية و الحب لسة موجود بس اقل من الاول ولازم نحافظ عليه لينقرض بجد

الموضوع ده منتشر بس مش معنى كده ان مفيش حد كويس
بس المشكلة ان البلحة ركبت السفينة

موضوووووووووووووووووع جامد جدا وفعلا موضوع مؤسف والواحد اما بيقرا الكلام دة ويشوف اللى بيحصل بيحزن ويزعل ولو كل واحد بدا بنفسه ومتكلمش على الناس اللى حواليه ولا اتريق على حد الظاهرة دى هتتصلح ومش هيحصل اللى بيحصل دة وكمان لو كل بنت حافظت على نفسها واتقت الله مش هيحص كدة ولو كل ولد خاف ربنا وعامل زمايله على انهم اخواته لان اللى بيعملوا فى زمايله البنات هيتعمل فاخته والله فعلا اللى بيعمل حاجة بتتعمل فيه وربنا يهدى جميع المسلمين

زائر

vectoria
David Beckham
sydlanya
شكرا لكم على المرور ونورتوا الصفحة

الله الله الله بجد مااااااااشاااااااااااء الله على الكلام الجامد ده

مش قادره فعلا اقول حاجه توصل اعجابى بالموضوع وشكرى لحضرتك

فعلا الكلام ده كله بيحصل كتيييييييير اوى ومنتشر جدااااااااااا

ومن كتره ماباقيناش بنعرفوا نفرقوا بين الحب الحقيقى والكدب والخداع

لدرجه ان فيه ناس بتتجنب الحب اطلاااااااااقااااااااا علشان ماتقعشى فى الخديعه والكذب

اه والله انا طبعااااااااا منهم لان بشوف كتيييييييييييييييييييييير اوى وبيتحكاااالى ياااااما برضه

بجد دلوقتى انا عن نفسى مااقدرشى اميز بين الحب اللى بجد والحب اللى انت بتتكلم عنه ده

علشان كده اللى هيقولى بحبك مثلا اكيد اكيد مش هكون مطمنه من ناحيته او حتى اكون مصدقاه خالص

فعلشان كده انا ببعد نفسى عن الوهم الكبير ده اللى اسمه حب وطبعا اى مشاعر تجاه اى حد

اهى موجوده فى قلبى يوم ماالشخص ده يدخل من الباب اهلا وسهلا اما لو منهم باه

فاعيش على ذكرى حب كان والاحسن اعطى مشاعرى كلها للشخص اللى يستاهلها بجد مش اللى يلعب بيه

وبمشاعرى كوره

كل واحد قبل مايفكر يحب لازم يعرف ان قلبه ده له حق عليه لازم يحافظ عليه ويقدسه

اجعل قلبك جامع او مسجد طااااااااااااااااااهر

لا يدخله الا الطاهر الا من يستحقه بجد... وصفى قلوبكم من كل الشوائب باه

بجد لو عملنا كده الموضوع ده مش هيكون له وجود فى حياتنا

لكن تعالوا نتكلموا فى الواقع شويه....

فيه حاجه وهميه كده اسمها حب المراهقه واحد يقعد يحب فى واحده مده طويله

وبعدين فى لحظه ييجى يقول لا انا اسف مش ده اللى كنت عايزها انا اكتشفت انها ماتنفعنيش

لسه جاى تكتشف حالااااااااااااا............. ياسلااااام

ده حب وهمى حب المراهقه ده ده الشماعه اللى بنعلقوا عليها اخطائنا

طبعا احنا فى طب المنوفيه موجود المقالب ده كتيييييييير

بس حكايه الجواز العرفى ده مااظنش عندنا يعنى

احنا بس اخرنا الواد يقف مع البنت ..منظره ..مصلحه.. وكده يعنى

وساعتها الكليه كلها اللى يعرفهم واللى مايعرفهومشى يتكلموا عليها مش اصحاب الولد بس

فعلا زى ماقلت ان اسلم حاجه انك لو انتى بنت ماتظهريش مشاعرك ده بسهوله لمجرد كلمه حب او غرام

حتى لو انتى بتحبيه بجد لازم تحافظى على انوثتك لازم يدخل من الباب

ولو انت ولد لازم تدى نفسك الفرصه بانك تفكر بجد ياترى ده البنت اللى تصلح تكون زوجه ليك لو كده

مافيش مانع مرحله خطوبه وحب لكن من ورا الناس والاهل ده لا مابيجيبشى همه

لازم نترفعوا عن كل المشاعر الحقيره ده باه ونحافظوا على نفسنا بجد

وزى ماقلت قلبكم ليه عليكم حقووووووووق برضه

شكررررررررررررررررررررررا على الموضوع بجد فتح مجالات كتيره اوى

زائر

شكرا ليكى جدا كوين على هذه الكلمات الجميلة
وشكرا ليكى على المرور

زائر

David Beckham كتب:: الموضوع ده منتشر بس مش معنى كده ان مفيش حد كويس
بس المشكلة ان البلحة ركبت السفينة

مش مشكلة يا بيكهام لو البلحة ركبت السفينه
المشكلة اللى بجد لو البلحة ساقت السفينة