ايه رأيك فى النظام الجديد؟؟

فى الموضوع دة هنحاول مع بعض نشوف آراء طلاب الفرقة الرابعة

والفرق الأخرى أيضا فى نظام الدراسة الجديد والذى سيبدأ تطبيقه

فى العام القادم -ان شاء الله-

ايه رأيكم فى النظام نفسه؟

ايه رأيكم فى الفصل كمبدأ؟

ايه رأيكم فى الجداول؟

فى انتظار آرائكم وتعليقاتكم..

بصوا انا فالرقة التانية باذن الله و شايفة ان النظام مبدايا ملوش لزمة احنا مش حناكل بعض و احنا كنا ماشيين كويس لكن بما انه اتطبق يبقى احب اقول بقى لكل حاجة مميزاتها و عيوبها
من المميزات ان الصبيان بيعملوا دوشة فالماحضرة و خاصة دفعتنا بيقعدوا يسمعوا اغانى بصوت عالى و يضيقوا الدكاترة و من المميزات ان الجدول الجديد فيه فواصل او بيرك فالنص و دا فعلا حاجة مهمة كنت بفتقدها و حتشجعنا اننا نحضر كل المحاضرات
من العيوب بقى ان الجدول اتمط و حنروح متاخر و كمان الدكاترة ممكن يقولوا حاجة هنا ميقولهاش هنا
و بصراحة احنا مش فمدرسة اعدادى عشان يفصلوانا و انا ضد الفصل خاصة اننا كبار و محترمين مش محتاجين الفصل دا

اقتباس :

وهيظلم الطلبة والدكاترة وكل اللي بيشتغلو فالكلية

الطلبة اه هيتظلموا
لكن الدكاترة لأ
لان الحكاية دى كلها معمولة عشان المرتبات بتاعتهم تزيد
وعشان تزيد المرتبات لازم الشغل يزيد
وطبعا الدكاترة مش هيدونا حقنا فى الشرح وكله هيكروت
فى حين ان هم اصلا كانوا بيكروتوا
طب تخيلوا بقى لما الشغل يزيد!!!

طبعا نظام فاشل وكله على دماغنا
يعنى ايه الواحد يأخد مواد فى المحاضرة ويأخد مواد غيرها فى الراوند
وبعدين حيث اننا هنخلص ماديتين فى الترم يبقى يعملوا نظام ترم احسن ونمتحن عليهم ونخلص
والله دى مهزلة
حسبى الله ونعم الوكيل

طبعا أنا متفق معاكم فى ان النظام دة هيبقى فيه ظلم

فيه مجموعات هتاخد مادتين نظرى ومادتين تانيين خالص
فى الروندات

طيب ازاى واحد ياخد روندات فى حاجة هو مسمعش عنها
حاجة أصلا؟؟؟؟؟؟؟؟

اتحاد ايه اللى انت جاى تقول عليه؟؟

دة قرار من العميد والوكلاء والدكاترة

الاتحاد آخره فى كليتنا ينظم دورة بنج بونج

واحتمال تنجح.....

ايه يا جماعة؟؟؟؟؟؟؟؟

فين الآراء عن النظام الجديد ؟

الفرقة الرابعة بالذات علشان موضوع فصل المواد

ينفع ان حد ياخد مادتين فى تيرم عملى والنظرى بتاعهم

فى التيرم التانى؟؟؟

يا جماعة بس انا عايزة اعرف مين الى اقترح النظام دا؟؟؟؟؟؟؟؟؟؟؟؟
العميد؟؟؟؟؟؟؟؟؟؟
الدكاترة ؟؟؟؟؟؟؟؟؟؟؟
الطلبة؟؟؟؟؟؟؟؟؟؟؟؟؟؟؟؟؟

ع العموم كل الكلام دة أسفر ان مجموعة طلبة ستتوجه صباح اليوم الأحد

الى مكتب العميد والوكيل لشرح المشاكل فى النظام الجديد

ودعواتكم ليهم ان العميد يوافق ويعدل الجدول بما يتفق مع مصالح الطلبة

وعلى قدر معلوماتى

من البنين : أحمد سمير ومحمد شعلان ومحمد النعا

ويذكر أن طلاب اتحاد الطلبة قد امتنعوا عن الحضور نظرا لانشغالهم!!!!!

ربنا مع زمايلنا وان شاء الله خير

ألف مبروك يا جماعة
خلاص النظام بتاع اربع مواد من اول السنة رجع خلاص
ومافيش لخبطة فى الجدول
لكن الولاد والبنات هينفصلوا عن بعض فى المحاضرات
كتر خير زمايلنا دول فعلا لانهم تعبوا بجد واحنا بنشكرهم على مجهودهم
و بصراحة الدكتور فؤاد ربنا يسامحه هواللى ماكنش مديهم فرصة يقابلوا العميد وكانت بهدلة
يلا الحمد لله

لأ مش كتير اوى
هو الواحد كان فاكر ان ناس كتييييييييييييييييير هتروح بعد الاعتراضات اللى كانت موجود على النظام الجديد
بس بصراحة العدد كان قليل
بس يارب تكون الحكاية جد فى الاخر والجدول يتغير فعلا

بيقولوا ان الجداول اتغيرت فعلا والحمد لله

وكل مجموعة هتاخد كل المواد نظرى من أول السنة

زى كل سنة

طب كده كويس اوى
الحمد لله

كويس ان الاربع مواد حيبدوا من اول السنة بس سمعت ان العملى مادتين و مادتين ربنا يستر و يسهل

David Beckham كتب:

walahy ana shayf en ay 7d kan momkn yzakr el mwad kolha brdo m3 el nzam da
l2nha msh far2a... kolna bnnzn2 a5r el sana w nzakr kolo 3ala ba3do

انا مع حضرتك يا دكتور و كمان فى مواد كتير ممكن تذاكرها كلها لوحدك من غير ما تسمع شرح او كدة بس المشكلة بصراحة فالعملى دا الى لازم يتسمع مرة و اتنين