يوم=000كم حلقة

السلام عليكم ورحمة الله وبركاته
في تاني يوم رمضان وفي نفس الوقت للاسف تاني حلقة من عدد رهيب من المسلسلات واكيد فيه ناس تابعو حاجه منها بصراحة انا عاوزة افكركم بس ان حرام نضيع دقيقة علي المسلسلات وبنفسك سبها و صدقوني والله احسن احساس لما تسيب حاجة وانت طالب رضا الله من غير اي حاجة تانية انا كنت بحب سماع الاغاني جدا لحد معرفت انها حرام ورغم حبي لسماعها وتعودي عليها حاولت اسيبها وعانيت والله في البداية ولكن بعد كده لقيت ان المعاناه دي كانت وهم وان الفرحة اللي كنت بحس بيها معاها كانت مزيفة وكنت بحس بالزهق والخنقة في الايام دي اكتر بكتير من دلوقتي والحمد لله حاسة اني بدات اكون مشروع فتاة في طريق الالتزام بقيت لما اقعد مع ناس ماشاء الله ملتزمة واشوف همتهم عالية وبيدعو للالتزام بكل ما يملكون ازعل واقول انا عملت ايه الاقي بعدي عن الاغاني دي ولبسي و اني مش متابعة اي مسلسل خطوة للالتزام بسيطة
بالله عليكم في ايديكم الجنة متضيعوهاش
في ايدينا السعادة الحقيقية
وفي الاخر ممكن تسال نفسك سؤال(ولله المثل الاعلي)
تخيل لو دكتور قالك لو عملت كذا هتشيل المادة
او والدك قالك لو عملت كذا هعمل فيك كذا وكذا
ولو حتي مكنش بيفرق معاك
انت في الموضوع ده بين الجبار سبحانه وتعالي
الاغاني والمسلسلات واللبس الغير شرعي حرام حرام حرام
فياريت متخسروش صيامكو والا هتكونو منعتم نفسكو عن الحلال
اوصيكم ونفسي ومعلش علي الاطالة

جزانا واياكم
معلش انا عاوزة اضيف كمان ان للاسف فيه ناس بيقضو نهار رمضان علي المسلسلات ويقولم بنسلي صيامنا
معقولة الشهر ده يتعمل فيه كده
اللي عاوز يتوب ويبدا مع ربنا عهد جديد اظن مفيش ايام احسن من كده واكيد هتلاقي حواليك حد ياخد بايدك

شكرا يا بسمستك على الكلام الجميل ده
والله فيكى الخير
وعندك حق فى كل كلمة قولتيها
جزاكى الله كل خير
وربنا يهدينا جميعا

فعلا الحمدلله احنا فرمضان ممنوع نتفرج عالتلفزيون الا عالقنوات الدينية مش منع من الاهل بس ايمان من جوانا انا دا حرام و بيضيع الوقت المفترج الى ممكن نستغله فغفران من الله