شارك معنا وقل لا للكورسات

شكرا يا samir ع الموضوع الجاد دة

وأحب أقول انه عن تجربة فعلا الناس بتدخل اول السنة لسة

وعامل حسابه انه لازم ياخد كورس

ودى بصراحة للأسف قلة خبرة وعدم ثقة بالنفس

يا دكاترة الكل يدخل يشوف النظام وبعدين يكون حاطط فى دماغه

انه مش هياخد

والمواد فعلا مش محتاجة حاجة الا المذاكرة بانتظام

وياريت تنسوا نظام دروس الثانوية العامة والتلقين دة

كورسات ايه بس
اللى بياخد كورسات نظرى ده مبينكسفش من نفسه
عالعموم ملهاش اى لزمة
بس لو عندك فلوس ومش عارف توديها فين يبقى ليك العذر
او بتشغل وقتك

هو فعلا حكاية انتشار الكورسات ده شئ محزن
وان شايفة انها بتموت قدرات الطالب لانه مش بيعتمد على نفسه اوى
و الدكتور وضح الاسباب اللى ممكن تكون هى السبب للجوء الطلبة للكورسات
لكن لو بيصنا للموضوع من زاوية تانية هنلاقى ان ممكن يكون السبب هو تقصير الدكاترة فى الشرح
لان فى دكاترة(وطبعا مش كلهم) بيدخلوا يلقوا المحاضرة ومش فارقة معاهم الطلبة فهموا ولا لأ
ولما معظم الطلبة يجمعوا على انهم مش فاهمين من الدكتور ده فيبقى فعلا العيب فيه هو
ده غير ان الكتاب ساعات بيبقى غير واضح ومليان الغاز وساعات بنلاقى اخطاء كمان ومش كل الدكاترة اللى بيشرحوا بيصلحوا الاخطاء دى
والدليل على كده ان فى ناس مش بتروح الكورس الا لما تجرب وتحضر المحاضرات وتحاول تعتمد على نفسها لكن لما بيجيبش نتيجة بتلجأ للكورس
وبيكون الهدف من ورا كده انهم عايزين يفهموا مش يحفظوا وخلاص ومش التقدير هو كل حاجة
ده غير ان فى مواد الكلنيكال بتاعها مش بيكون كويس فى الكلية وهم بيبقوا عايزين يتعلموا صح عشان مهنة الطبيب دى محتاجة ان الواحد يكون متعلم ومتأسس صح
وانا بجد نفسى ان الدكاترة والطلبة يعملوا اللى عليهم عشان ماحدش يتظلم
دى وجهة نظرى بصراحة وارجو تقبلها

بصراحه انا شايفه ان الكورسات مهمه بالزات في نظام التدريس بتاعنا
احنا لو بنختار الدكاتره الى بنفهم منهم ما كناش اخدنا كورسات
بس احنا لازم نحضر للدكتور كذا مع ان احنا مش بنفهم منه حاجه
طب ده كلام
وما اعتقدش ان في حد في كليتنا ما اخدش كورسات
ده شيء شبه مستحيل
احنا علشان نطور التعليم لازم الاول نطور اسلوب التدريس وبعدين نفكر في الكورسات
واعتقد انه لو اتغير ما حدش هياخد كورسات تانى
دى وجهة نظرى

لأ يا دكتورة
أنا رايح رابعة
والحمد لله مخدتش ولا كورس فى أى سنة
ومش لاقى أى مشكلة خالص

المهم العزيمة وبذل المجهود
وبالتوفيق للجميع

انا معاك انها ظاهرة مش كويسة و غلط بس ذى ما حضرتك قلت الظروف الى اجتمعت ضدهم يا جماعة انا فسنة اولى قلت مش حاخد اى كورس و كنت بحضر كل حاجة و بذاكر لوحدى و بيجيب مراجع و زمايلى بيسعدونى فلى مش بفهمه فاخر السنة لقيت نفسى مش فاهمة اى حاجة فالاناتومى و بقيت المواد تمام يبقى اكيد العيب مش فيا و الدليل الاكبر ان كان فى شبترين دكتور معين شرحهم كنت فاهمة الاتنين كويس اوى لكن الباقى مكنتش اعرف فيه حاجة فاضطريت اخد كورس مراجعة

و انا بقول لا للكورسات و ساعتها لو كل الناس بطلت كورسات الدكتور الى حيكون عنده خلل فجزيئة الدفعى كلها حتتاثر و حيبان دا كويس بس لازم الكل يبطل مش ناس و ناس

اولا لابد من مراعاه عنصر الزمن فى فتره الدراسه
حتى لا يتراكم عليك المقررات وسعتها تحس بالضياع وتلجأ للكورس

ثانيا تصحيح لاخطاء اولا باول ومحاوله ايجاد الحلول
لما اخد شبتر مش فاهمه احاول اتصرف فيه باى طريقه
بس فى وقته مش استنى فى الاخر وبعدين ملاقيش حل
مصدر الحل قد يكون زميل لك او زميل اكبر منك
او من يقوم بشرح السكاشن اساله هيساعدك واكيد مفيش حاجه ملهاش حل
الموضوعات التى تحس انك مش فاهمها من كتاب معين
حاول تقرأها من كتاب تانى وباسلوب تانى
هذه بعض النصائح الصغيره تعليقا على ما جاء من ردود



نوجه عنايه سيادتكم انه سوف يتم عمل برامج متطوره لمساعده الطالب
لكى يحقق استفاده تامه من المحاضره
لكى يتجنب فقدان التركيز وبالتالى قله التحصيل
لكى يعالج الفجوه بينه وبين عضو هيئه التدريس
......الخ

وسيتم ابراز بعض الافكار لشحن العقل الباطن بها
والتدرب عليها للاعتماد على النفس وتحقيق استفاده تامه

samir كتب:

اولا لابد من مراعاه عنصر الزمن فى فتره الدراسه
حتى لا يتراكم عليك المقررات وسعتها تحس بالضياع وتلجأ للكورس

ثانيا تصحيح لاخطاء اولا باول ومحاوله ايجاد الحلول
لما اخد شبتر مش فاهمه احاول اتصرف فيه باى طريقه
بس فى وقته مش استنى فى الاخر وبعدين ملاقيش حل
مصدر الحل قد يكون زميل لك او زميل اكبر منك
او من يقوم بشرح السكاشن اساله هيساعدك واكيد مفيش حاجه ملهاش حل
الموضوعات التى تحس انك مش فاهمها من كتاب معين
حاول تقرأها من كتاب تانى وباسلوب تانى
هذه بعض النصائح الصغيره تعليقا على ما جاء من ردود



نوجه عنايه سيادتكم انه سوف يتم عمل برامج متطوره لمساعده الطالب
لكى يحقق استفاده تامه من المحاضره
لكى يتجنب فقدان التركيز وبالتالى قله التحصيل
لكى يعالج الفجوه بينه وبين عضو هيئه التدريس
......الخ

وسيتم ابراز بعض الافكار لشحن العقل الباطن بها
والتدرب عليها للاعتماد على النفس وتحقيق استفاده تامه

والله شكرا يا دكتور سمير عالنصايح دى

والله عجبنى روح المشاركه الجميله اللى شايفها فى الموضوع ده

وقبل ما ابدى رأيى فى الموضوع

احب اعلق سريع على كلام واحد

مقالة:

لا للكورسات برافو وشكرا على الموضوع ويريت الموضوع ده ينتهي عشان زاد عن حده قوي

والله يا جدعااااااااااااان قلتلكوا الواد ده مش معانا فى طب

دا هندســــــــــــــــــــــــــــــــــــــــــــــــــــــــــــــــــــــه

روح يا بنى ربنا يوقفلكوا المراكب السايره عشان تصلحوها



ملكش انت فى الحوارات دى

الحمد لله انها مش منتشره فى كليتكم

بس مسيرها تبقى عدوى


وكل سنه وانت طيب يا مصطفى



...........................................................................


نرجع تانى لموضوعنا


ومن الموضوع

يتضح ان فيه رأيين :

الاول ( لا للكورساات )

ووضح اسبابه

مقالة:

الاعتقاد الخاطئ لدى بعض الطلاب بصعوبه بعض المواد مما يدفعهم للهروب الى الكورسات اعتقادا منهم انها هى الحل ميل الطلاب الى الجو العام للكورسات الذى يشابه جو الدروس الخصوصيه الذى تعودوا عليه اثناء المدرسه تمسك الطلاب باهميه دور الملقن الذى تعودوا عليه فى المدارس بسبب عده ظروف اجتمعت ضدهم دفعتهم الى الاقتناع بضروره هذا الدور الافكار السيئه والتجارب السلبيه التى ينقلها بعض الطلاب الى زملائهم عن صعوبه ماده معينه وانه لا سبيل غير الكورس الاتجاه الى اهمال المحاضرات وقله الاهتمام بها وجو الملل العام الذى قد ينتاب البعض ويدفعهم الى الكورسات البعد عن المود العام وقله الانسجام والمتابعه لنظام الدراسه فى الفرق مما يشعر الطالب بالضياع وانه لابد من الكورس اتجاه البعض الى اهمال المذاكره وتراكم الموضوعات عليهم مما يؤدى الى شعورهم بالضياع ومن ثم الفرار الى الكورسات

طبعا كلام منطقى جدا جدا

والدليل على ذلك كمان ان اوائل الدفعات معظمهم ما بيخدش كورسات



نرجع للرأى التانى الا وهو ( اهميه الكورسات )
وذلك من بعض التعاليق

مقالة:

ممكن يكون السبب هو تقصير الدكاترة فى الشرح لان فى دكاترة(وطبعا مش كلهم) بيدخلوا يلقوا المحاضرة ومش فارقة معاهم الطلبة فهموا ولا لأ ولما معظم الطلبة يجمعوا على انهم مش فاهمين من الدكتور ده فيبقى فعلا العيب فيه هو ده غير ان الكتاب ساعات بيبقى غير واضح ومليان الغاز وساعات بنلاقى اخطاء كمان ومش كل الدكاترة اللى بيشرحوا بيصلحوا الاخطاء دى

مقالة:

ده غير ان فى مواد الكلنيكال بتاعها مش بيكون كويس فى الكلية وهم بيبقوا عايزين يتعلموا صح عشان مهنة الطبيب دى محتاجة ان الواحد يكون متعلم ومتأسس صح

مقالة:

خدت مراجعة وجبت جيد وتقديري العام جيد فالسنة دي بعد تفكير قررت اخد كورس وحاسة ان ده اللي هينفع بس بجد انا كنت رافضة المبدأ ده خالص وكل اصحابي كانوا بياخدوا

مقالة:

احنا لو بنختار الدكاتره الى بنفهم منهم ما كناش اخدنا كورسات الدليل الاكبر ان كان فى شبترين دكتور معين شرحهم كنت فاهمة الاتنين كويس اوى لكن الباقى مكنتش اعرف فيه حاجة فاضطريت اخد كورس مراجعة

مقالة:

[size=12]النظام التعليمى فى الكليه بتاعتنا يعتمد على التلقين مش على تشغيل الدماغ الامتحانات فى بعض المواد بتعتمد على تشغيل الدماغ لكن النظام الدراسى لأ طيب طبعا الاساتذه ورؤساء الاقسام لهم وجهة نظهرهم تحترم طبعا انهم يقولوا لا للكورسات ويحاربوها طب بيحاربوها ازاى بيجيبوا امتحان صعب عشان يضربوا بتوع الكورسات جميل الامتحان يضب الدفعه كلها كده خلاص الماده كلها بقت صعبه والدفعه اللى بعد كده هتعرف والحل اللى قدامها أروح أفهم فى الكورس عشان أقدر أحل أى امتحان قبل ما أقول لا للكورسات أفكر الاول الطلبه بياخدو ليه؟ والحل مش من عند الطلبه الحل عند اساتذتنا

مبدأيا

انا عن نفسى مخدش كورسات طوول التلات سنين بخلاف اخر شهر السنادى عشان كنت تعبان اوى ومبرحش الكليه كتير

يعنى يعتبر مبخدش كورسات

ولكن انا بالرغم من انى كاره لموضوع الكورسات ده للاسباب اللى قلناها

الا انى فى نفس الوقت مقدرش الوم البعض الاخر اللى بيخدوا كورسات

لانها فى الاول دى اختلاف وجهات نظر ( والاختلاف فى وجهه النظر لا يخلف فى الود قضيه )

بالاضافه الى الاسباب اللى قلها باقى الزملاء

(ممكن ان تقدر تحضر المحاضرات كلها وتابع وتسأل هنا وهناك وليك قرايب بيساعدوك
غيرك مثلا بيتخنق من كتر المحاضر والمحاضر وبالتالى يدفعه الى الملل من المحاضره وشرح المحاضر وهكذا )

يعنى دى زى ما قلتوا اختلاف فى وجهات النظر

وانا مببقلش متخدوووووووووش كورسات

لا بالعكس ساعات الكورسات ليها اهميه فى تنظيم المذاكر وتوفير الوقت لو مبتحضرش محاضرات وخلافه واسلوب الدرساه والامتحانات الخ ..... )


انما برضه لازم اننا نعمل اللى علينا ومنتكلش على الكورسات من الاول
نشوف النظام الاول ماشى ازاى
قدرت تمشى فيا المحاضرات وتواصل وتابع او بمجهودك .... كان بها وده اكيد بيساعدك فعلا الاعتماد على النفس
وخصوصا كمان انكوا هتوجهوا مشكله فى سنه تالته ممكن يكون نظام الدراسه والكتب واسول الدكاتره شجعت على اخد كورسات فى سنه اولى وتانيه وواضح جدا اكيد انما فى سنه تالته المشكله ان الامتحانات بقت بيتيجى من المحاضرات

يعنى لازم تكون فاهم وحاضر المحاضره وبقى بيركزوا على النقطه دى اوى )

مثال على ذلك برضه

انا فيه مواد فى اولى وتانيه مكنتش بحضر محاضرات زائد طبعا مبخدش كورس
طبعا بحل الامتحان باستثناء اسئله المحاضرات واجيب ف الماده اخر الامتياز

فى تالته لانهم زودوا العيار شويه الواحد نزل في بعض المواد دى شويه
يعنى اكيد ده العامل الاول ليه هو عدم حضور المحاضرات



يعنى خلاصه الموضوع يا جماعه

اولا لازم تجتهد وتعمل اللى تقدر عليه ( ان الله لا يضيع اجر من احسن عملا

وان معرفتش تمشى فى الطريق ده فاسلك الطريق الاخر

لان الهدف فى الاول والاخر هيا استخراج المعلومه الطبيه والحصول على المعرفه

وربنا يكرمنا جميعا ويحقق اهدافنا

وشكرا على ابداء الرأى والموضوع

هو ايه ده اللى لا للكورسات طب انتوا ليه يعنى بتعمموا و تقولوا لا للكورسات بصفه عامه
هى يا جماعه مش حاجه عيب و لا حرام
و بعدين كل واحد و قدراته و ربنا خلق الناس مختلفين فى مستوى تفكيرهم و كل و احد و ليه أسلوبه فى التفكير و أسلوبه الخاص فى الفهم
يعنى ممكن أنا مثلا أفهم من دكتور معين و حد تانى أدى ميفهمش من نفس الدكتور و العكس ممكن يحصل
و بعدين كليتنا مش كل الدكاتره اللى فيها بتعرف توصل المعلومه للكل و مش كليتنا بس ده فى اى كليه اكيد الحكايه دى موجوده
و بعدين احنا لما بنلجأ للكورسات بنلجألها عشان مش فهمنا فى المحاضره بعد ما قعدنا نحاول نفهم فى المحاضره
يعنى انا مش باقول نستسهل و نروح نجرى ناخد كورس من أول السنه لا طبعا انا عن ننفسى ملجأتش للكورسات غير بعد ماحاولت فى الكليه
و طبعا مأخدتش كورسات بصوره مفرطه لا ابدا انا ماخدتش غير فى الاناتومى بعد ما حاولت افهم فى المحاضره كتير بس للاسف فى حاجات كتير كانت بتقع منى بس العيب مش منى و لا حاجه بس فعلا انا حاولت و اضطريت الجأ للكورس و الحمد لله فهمت
بس يعنى كل شئ بحدودو يعنى ما اروحش اقول ده انا هاخد كورسات فى جميع المواد لا طبعا ده مينفعش
بس زى ما اخدت كورسات فى ماده مأخدتش فى مواد تانيه كتير يعنى برضه زى ما فى دكاتره مش بنعرف نفهم منها ففى دكاتره بنفهم منها خالص
يعنى الموضوع مش حكايه انها حاجه نحاربها لا المفروض يكون فى تفاهم عشان هى بتبقى اختلاف قدرات فى الاول و فى الاخر

اقتباس :

يعنى الموضوع مش حكايه انها حاجه نحاربها لا المفروض يكون فى تفاهم عشان هى بتبقى اختلاف قدرات فى الاول و فى الاخر

طبعا انا رأيى الاول والاخير

دى اختلاف فى وجهات النظر

الكلام كتير اوي في الموضوع وفي ناس قالو نفس اللي كنت عاوزة اقولة يعني انا السنة اللي فاتت اول مدخلت الكلية استغربت موضوع الكورسات ده وقلت اني عمري مهاخد وبقيت اي حاجة مفهمهاش اتنيني وراها لحد مجيبها واسال فيها اخواتي وقرايبي اللي اكبر مني واتناقش مع زمايلي وفعلا كنت بفهم في الاخر بس جت مادة محدش باه عارف يفهم حاجة فيها وطبعا محدش عارف يفهم حد نسال الكبار اللي مخدوش كورسات وكانو جايبين امتياز نلاقيهم كده وخدينها علي علتها ونسال زمايلنا المعروفين في الدفعة نلاقيهم حافظين ما شاء الله ومش ذنبي اني قدرتي علي الحفظ مش زيهم وحاولت برده افهم لوحدي وكنت بحضر المحاضرات كلها وحاسة ان في مواد الحمد لله ماشية فيها كويس والمادة دي مش اوي واليوم اللي اخدت القرار فيه لما اثناء المحاضرة سال الدكتور سؤال كنت عارفة كلام كده من الاجابة وقام طالب وجاوب اجابة جميلة جدا تدل علي فهمه الصحيح وانه فعلا فاهم وبعدين قلت ماشاء الله علي عقله واللي جمبي قالتلي هو فعلا بيذاكر وشاطر جدا معاها في الكورس وعرفت ان لو حد اخد كورس وذاكر معاه هتبقي حاجة كويسة اوي ورحت الكورس وشفت ازاي كنت بتنيني افهم حاجة في ساعات وهية بتتفهم في دقايق وده اللي كان عاجبني وكان حلمي افهم كل حاجة وحبيت المادة جدا والحمد لله بقيت افهم زمايلي اللي مش بياخدو كورس وقبل الامتحان كنت حاسة اني فاهماها كويس وحليت في النظري كويس وحسيت بفايدة الكورس لكن للاسف عكتها في العملي وقللت تقديري وبقيت جيد جدا

وهقول حاجة كمان المسالة مش مسالة تقدير انا فعلا المادة دي كانت اقل تقدير عندي مش معني كده ان الكورس اللي خلي تقديري وحش ماشاء الله معايا ناس في الكورس جابو امتياز عالي وناس برده مكنوش بياخدو وجابو امتياز وعن نفسي ممكن تقديري كان يبقي زي مهوه او حتي اعلي من غير الكورس وانا اقدر اجيب من غير كورسات وفعلا الحمد لله جبت في المواد التانية
وتضامنا مع الموضوع انا مذكرتش اسماء مواد وان كانت معروفة بس علشان زي ما دكتور سمير قال ماثرش علي اللي بعدي
ولو هتتمنع الكورسات فعلا000 يبقي عادي يعني الكورسات مش مسالة حياة او موت بس ياتري الكلية تقدر توفر لنا دكتور يفهمنا اي حاجة في اي وقت ومحدش يقولي اني مجربتش اروح للدكاترة واقولهم ولكن لو واحد كان بيوافق اضعافه كانو يقولو بعدين واللي كانت السكرتيرة تقولنا مش فاضي وحتي المعيدة في السكشن تقول هبقي احضره واقولهلكم منكرش ان فيه عدد كبير منهم ساعدنا بس كنت ببقي حاسة ان فيهم بيعمل غصب عنهم
عشان كده موضوع لا للكورسات ده ماشي بس المشكلة مش فينا ولو انا في اي مادة اضمن ان في اي وقت الاقي اللي يقولي اللي مش فاهماه اكيد هكون معاكم

أولا :انا موافق ان التقدير مش كل حاجة بس للأسف غالبية الطلبة

بتاخد دروس علشان التقدير

والدليل ع الكلام دة مادة الأناتومى

أنا مشفتش دكتور بيشرح عن فهم وعن علم غزير زى د.عبد المنعم

وقال أنا ماليش دعوة بالأناتومى اللى كنا بناخده الأول

يعنى محاضراته وبس

ومع ذلك بردة الطلبة راحوا دروس علشان يحفظوا كلام مالوش لازمة

وأظن ان اللى كان عايز يفهم بس كان لازم يكون أول واحد ميفكرش

أصلا ف الدروس ف الأناتومى

ثانيا :حكاية ان الدكتور يشرح لكل واحد اللى مش فاهمه

دة شىء شبه مستحيل أو مستحيل

المحاضر بيقول المحاضرة للكل ومش مطالب يفهم

كل واحد اللى مش فاهمه

دى تبقى مدرسة مش جامعة

المفروض المعيدين هم اللى يعملوا كدة

وفعلا هما ساعدوا كل اللى طلب متهم المساعدة

دة ساعات كانوا بيعيدوا المحاضرة ف السكشن علشان

اللى مش فاهم حاجة

وبعدين ايه لزمة المكتبة؟؟؟؟؟؟؟

اللى مش فاهم حاجة يعتمد على نفسه

ويقرى ف المراجع بتوسع و باذن الله هيفهم

وممكن يستعين بزمايل له وكدة

وعايز أقول حاجة كمان....

لجنة الجودة لما جت الكلية سألونا سؤال

فيه كورسات؟؟؟؟؟؟؟؟؟؟؟

وقالوا انه لو فيه طالب واحد بس بياخد كورسات

فى الكلية كلها.............

يبقى مستحيل الكلية تعتمد

لأن الكورسات دليل على ضعف التعليم

وعدم صلاحية الطلبة للاعتماد على أنفسهم

ازاى طالب هيبقى دكتور مطالب باتخاذ قرار فى ثوانى

ميعرفش يعتمد على نفسه فى المذاكرة؟؟؟

دى كارثة

ياريت الكل ينسى النظام بتاع المدارس دة

ويفتكر انه دكتور

وربنا يوفقنا ونقضى على هذه الظاهرة

انا مش اصدي لما قلت دكتور انه استاذ رئيس قسم مثلا احنا كنا بنروح لهم بس علشان نسال عن حاجة معينة مش علشان شرح اما بالنسبة للمعيدين فهما فعلا كانو بيساعدو لكن مش دايما وكلام حضرتك عن المكتبة انا فعلا كنت بروح واستفدت كتير وفهمت لوحدي حجات كتير لكن برده كان فيه حجات بتقابلني وكنت بحس ان لازم افهمها من حد واكون متاكدة انه هيشرحها كويس اظن ده عادي يعني مش زي ما حضرتك بتقول ان كدة مدرسة مش جامعة ومسالة مستحيل انك تلاقي حد يشرح اي حاجة مش فاهمها ممكن الكلية تعملها لوقالت ان كل معيد مسئول عن طلاب سكشنه ويبقي معاهم في اي وقت مش في السكشن بس لان اوقات كتيرة بيقولو الوقت مش مساعد وبعد السكشن تعالولي ترحلهم يقولو انا ورايا سكشن كمان ساعة ومش مستعد اعمل اي حاجة او يدولك ميعاد وميجوش فيه المواقف دي حصلت معايا ومع زمايل لية وممكن كمان مجموعة من المعيدين اللي ما شاء الله عليهم عمرهم مرفضم اي طلب وبجد حبيتهم اوي يساهمو في الموضوع وهقول علي فكرة بس لوحدها علشان تبقي واضحة

عوزاكم تتخيلو كدة لو مجموعة من المعيدين الاكتف في مادة معينة قسمو نفسهم من ناحية مساعدة الطلبة كل واحد مسئول عن شابتر معين ويحدد يوم مثلا في الاسبوع يقابل الطلبة فيه ويسمع منهم ويقولهم علي كتب ومواقع ويتناقش معاهم ويفهمهم وميكتفوش بكتاب القسم اكيد هتكون حاجة جميلة انا عارفة ان الكلام اللي بقوله صعب شوية لان المعيدين برده وراهم دراسات بس بصراحة ده مفيد لكل الاطراف وطبعا احلي من الكورسات ميييييييييييييييييت مرة
اكيد في افكار كتيرة يارب نقدر نحققها وبعدها هنقول بقلب جامد
لا للكورسات