ماذا تفعل لو كان الصمت طبعك عند الالم..؟

زائر

يقال أن الصمت أبلغ لغات الكلام...
ويقال أن الكلام من فضة والسكوت من ذهب...

قيل الكثير عن الصمت......والكثير منا يعانون من الصمت...
ولكن ماذا
تفعل إذا كان الصمت طبعك عند الحزن والغضب.. ؟؟
عندما يسيء إليك عزيز لديك بكلمة أو تصرف ...

فحليفك الصمت وتتجمد الحروف على شفتيك..
وتتحجر الدموع في عينيك .
ماذا تفعل؟!
إذا تجاهل هذا الشخص ألمك .. وتناسى إساءته ..
وتابع حياته معك وكأن شيئا لم يكن .. والصمت طبعك ..
والألم بداخلك يقتلك ..
ماذا تفعل ؟؟

إذا تجاهلك عزيز لديك والتفت إلى أولويات واهتمامات أخرى
وابتعد عنك .. وأنت تركض خلفه .... ويستمر باهتماماته الأخرى ..
فتتركه وتبقى مع ذكرياتك ....
يعود إليك معاتباً متهماً إياك بالبرود والابتعاد عنه ....
وأنت بصمتك لا تستطيع أن تقول له انه المخطىء وترد على اتهاماته ...
وتبقى مع ألمك الداخلي لا تستطيع حتى أن ترتشف قطرة الماء تشعر

أن كل شيء فيك قد تجمد ..
ماذا تفعل ؟؟

إذا تعلقت بإنسان وشعرت انك بوجوده معك قد ملكت العالم بيديك ..
واختفى من حياتك , وهو يعرف انه بتصرفه سيقتلك قلقاً وخوفاً عليه ...
ويتركك تنهار وتنهار وتتحطم ...... ويعود إليك
معاتباً متسائلاً لماذا تغيرت ؟؟
وأنت تقف حائراً وتشعر أن جميع حروف
الهجاء قد اختفت من ذاكرتك ..... فالصمت طبعك ..
ماذا تفعل ؟؟؟؟

عندما تهرب بصمتك ممن أساء إليك لتبكي بمفردك وتبكي ...
. وعليك أن تظهر أمام الناس بأنك سعيد وقوي.. مرح متفائل..

ماذا تفعل ؟؟؟
عندما تشعر بأن قلبك أصبح اضعف من أن يحتمل المزيد من الألم ..
ممن حولك .. وأنت لا تعرف أن تتكلم عند الحزن والغضب ..
ولا تعرف أن تلوم أو تعاتب ...

ماذا تفعل ؟؟
عندما يحتويك احن قلب عليك ويبحث في عينيك
عن أسباب حزنك .. وأنت عاجز عن النطق وخائفا من أن تكتشف
بحدسه أسباب حزنك .... وأنت حريصا على أن لا تسيء أمام الناس
لمن كان سبب آلامك ...

هل جربتم يوما شيئاً كهذا !
هل أحسستم بألم الصمت !

ماذا تفعلون إذا كنتم لا تستطيعون التغلب على نقطة ضعفكم التي
هي صمتكم عندما يساء إليكم !!ش

انا كتيييييييير بيحصل معايا لان انا للاسف من النوع الذي يصمت عند الحزن والغضب....زبس بيي وقت لو استمرت الشخصية الي قدامي بنفس الطريقة بجا لحل من الاثنين يا بنجر فيها واصارحها بكل الي هي عملته يا ببعد واقرر ان علاقتنا تبقي عادية جدا.....صحيح حلين اصعب من بعض بس هما الي بيوصلونا لكده....بس انا راي ان ده خطا ولازم لو الشخصية عزيزة علينا فعلا نصارحها اول ما نزعل منها .....انا بحاول اعمل كده بس للاسف بفشل كتير...نسيت اقول لحضرتك ان الموضوع راااااائع ومعلش طولت علي حضرتك.

[b]

للأسف الموضوع ده لسه حاصل معايا
ناس قريبة مني اووووي غلطوا فيا و ظلموني
و انا للأسف مش عرفت ارد و كتير قالوا انه ضعف مني
غصب عني الكلام مش عرف يطلع و دموعي اتحبست في عنيا
في كتير بيشوف الصمت ضعف و الكلام قوه و حجة
هو الصمت فعلا بيوجع لانه صعب انك تحبس المك جواك و تسكت صرخة فيك
و تظهر انك قوي قصاد الناس
بس فعلا الصمت كتير بيكون ابلغ من الكلام و الرد الوحيد في بعض الاحيان
لان كتير الكلام بيوجع اكتر ما بيداوي

و بصراحة انا مش عرفت اتغلب علي الموضوع ده لوحدي
بس وجود اصحابي جنبي الي كانوا اكتر من اخواتي و وقفوا جنبي
هو الي خلاني انسي و اكمل

انا بقول انه صح الصمت احيانا بيكون ابلغ كتير من الكلام لكن ده احيانا
يعني مش دايما , الصمت ده مثلا انسان تافه و كلامه تافه فهيكون من التفاهه اني ارد او انه يكون لو اتكلمت ممكن اغلط في حد او اسئ لنفسي فبرده السكوت احسن , لكن في حالة اني مدايقة من انسان غالي عندي بالعكس الكلام مهم لانه زي ما بيقولوا العتاب محبة يعني لو بتحب حد هتحاول بكل الوسائل انك مش تخسره و لو دايقك بتصرف تقوله عليه علشان مش يضايقك بيه تاني و لو سكت تبقى انت الي غلطان في حقه و في حق نفسك لانك هتفضل مدايق و طول ما انت جواك حزن عمرك ما هتقدر تستمر في تمثيل السعاده عليه او على الناس و بالتالي هو كمان عمره ما هيكون سعيد فالكلام بيبقى ضرورة في اوقات تانية
مهما كان صعب و حتى لو كانت دي طبيعتك في مواقف لازم تتكلم فيها لان ده بيكون التصرف الوحيد السليم
كل انسان في الدنيا فيه عيوب و كمان كل انسان بيحاول يطور من نفسه هيحاول يتغلب على عيوبه او اي حاجه تعرقل وصوله لسعادته او لهدف ما
بس خلاص كفايه كده
بالتوفيق انشاء الله و اتمنى تقبل كل الي انا قلته بصدر رحب

زائر

اقتباس :: بالعكس الكلام مهم لانه زي ما بيقولوا العتاب محبة يعني لو بتحب حد هتحاول بكل الوسائل انك مش تخسره و لو دايقك بتصرف تقوله عليه علشان مش يضايقك بيه تاني و لو سكت تبقى انت الي غلطان في حقه و في حق نفسك لانك هتفضل مدايق و طول ما انت جواك حزن عمرك ما هتقدر تستمر في تمثيل السعاده عليه او على الناس و بالتالي هو كمان عمره ما هيكون سعيد فالكلام بيبقى ضرورة في اوقات تانية

كلام مظبوط بس المشكله انك لو عرفته غلطه يزعل
او يكون مقتنع انه على حق وطبعا مفيش حد بيطلع نفسه غلطان
يعنى انت فهمته غلطه اكتر من مره وماستجبش يبقى ايه الحل ؟

وشكرا ع الرد

يبقى اكيد في حاجه غلط اما انك اخترت الشخص الغلط
ولو تقدر تبعد عنه يبقى اوكي ولو مش هتقدر انه يكون عندك زيه زي اي حد تاني
يبقى خلاص ده عيبه و انت المفروض انك تقبله بيه
مع ان رايي انه لو زي مانت بتحب الانسان ده هو كمان بيحبك هيحاول يريحك و مش يجرحك ولا يضايقك
يعني هياخد باله من الحاجات الي بتزعلك و خصوصا لو نبهته و مش هيعملها تاني

زائر

كلام مظبوط وفعلا ده اللى بفكر فيه

رغم كل العتاب والخصام الا ان الواحد بيرجع ويقول اصدقاء يعنى عشره عمر
يعنى متجيش حاجه صغير تضيعها

وبالرغم من هذا العيب او الطبع اللى يمتلكه
الا انها قد تكون مشكله ممكن اتفادها واستحملها
بس غير مش هيقدر يستحملها
....................................................

بس ف الاول والاخر
كنت عايز اسمع الكلمتين دوول

وشكرا ع الرد

الحكمه بتقول

الصمت 9 اجزاء والكلام يكون جزء واحد

وشكرا على الموضوع

يااااااااااااااااااااااه دى حاجة صعبة كدة ان الواحد يكتم جواة الحمد لله انا عن نفسى لما حد يضايقنى بقعد مع نفسى ساعة اتمتم بالكلام و ممكن ازعق مع نفسى و بعدين افضفض مع حد من صوحابى و بعد ما اهدى اروح للى ضايقنى دا و اساله لية و فى اية و كدة؟"
اتهيقلى الكلام بيبقى احلى كتير من الصمت

زائر

لا الحمد لله الصمت مش من طبعى ولو حصل ببقى بجد تعبانه اوى وفى الاخر لازم احكى لحد وافضفض مع حد لو حتى مع اختى الصغيره

انا بستريح اوى لما احكى لماما او اصحابى بلا استثنااااااء

ميرسى على التوبيييييييييييييييييك

زائر

ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه
كانك بتوصف كل حاجة جوايا وكل حاجة حصلتلى
ياريييييييييييييييييييت لو حد يعرف اعمل ايه يقولى اعمل ايه؟
اعمل ايه عشان انسى المستحيل؟
اعمل ايه؟

يمكن كتير بكتم جوايا بس بنام وبصحى اكون نسيت كل حاجة

بجد اصعب احساس عنى انى اتظلم من اقرب الناس ليه او انجرح

ده حصلى كتير وقابلته اكتر بس من اقرب الناس ليه لسه جرحهم محفور فى قلبى

وانا اللى يدخل قلبى عمره مايطلع او حتى اعرف اطلعه كتيييييييير اوى احاول اخرج كل ده من قلبى

اخرج احساس الظلم احساس الخوف الخيانه حتى الحب بحاول اخرجه من قلبى خالص

انا لاقيت السبب عندى فى كل الاحاسيس ده والمشاعر ده

السبب هو الحب ايوه الحب

لما تحب شخص اوى اوى وكانك جواه وتتمنى انك تكون معاه طول الوقت احساس جميل

بس سريعا جداااااااااااااااااااااا جدااااااااااا ماتنهار المشاعر ده وتصبح سراب

سراب هزم كل مافيك من امل ورغبه وتحس ان انت بتهار

وبرضه بنرجعوا نحبوا تانى لاننا ماينفعوش نعيشوا من غيره

وبكده تلاقى قلبك هو الظالم والمظلوم السبب كله عندك فى قلبك مش فى الناس

انا فعلا فى الالم بفضل الصمت هو انا مش بفضل انا مش بلاقى غيره حبيب فى الوقت ده

يمكن لو كنت لاقيت اى حد صديق حبيب احكى معاه كنت عملت كده بس للاسف

يمكن مالقيشى غير الجماد غير الجدران تكتم سرى... غير البحر عارفه انه يحافظ برضه على سرى

بس برضه للاسف جما ...مش هيكونوا فى يوم غير جماااااااد مش بيتكلم

بيسمع بس يداوى المك يحسسك ولو لحظه بالامان ..بالحب ..

بس انا مااظنشى انى عمرى هلاقى الانسان او الانسانه اللى ممكن اشكيله او يداوى المى

لانى خلاص عرفت اقرا العنوان عرفت اقرا الدنيا صح.. ايه موجود وايه لا.. ايه ممكن وايه مستحيل

ده احساسى لما بتظلم او اتخان او احس باى لم

لكن ماسالتش ليه عن احساس الظالم نفسه ..احساس الخاين ...

برضه الصمت مش بيعرف يعتذر او حتى يطلب انه يسامحه لانه عارف انه كسر حاجه

فى قلب الشخص ده من ناحيته ..عرف انه بجد مايستحقش انه يكون معاه

عرف انه خلاص مايستحقش الحياه اللى هو فيها

بجد انا حسيت بكده بس مره واحده ودلوقتى بحاول انى الجا للصمت الجا للحزن الجا للياس

برضه احساس صعب وصعب اوى اوى كمان

يعنى مش شرط انك تكون انت الظالم او الخاين علشان تحس الاحساس ده

لا ده اللى جرحك اللى خانك اللى كان سبب المك برضه بيتالم ويمكن اكتر منك

بالك ايه باه لما واحد يجمع بين الاحساسين دول فى وقت واحد

احساس الظالم والمظلوم انا بحس بده فعلا دلوقتى بس مش عارفه فتره وهتعدى ولا جرح طول العمر

مش عارفه ماليش دلوقتى غير الصمت

بجد انا كنت فكرت امسح اللى انا كتبته ده لانى وانا بكتبه كانت معاه دموعى وبتالمنى اكتر واكتر

بس حبيت اخرج شويه من صمتى ولو لدقايق

ياريت لو حد عارف الصمت ده اخره ايه يقولى

صعب اوى ان الشخص اللى بتحكله وبتشكيله وفى لحظه يكون ممنوع ليك حتى تكلمه او حتى انه يسمعك

خلاص كل حاجه انتهت بالسهوله ده مسسسسسسسسسسستحيييييييييييييييييييييييييييل

والاصعب انها تكون من ناحيتك انت ..تكون انت اللى مقرر البعد ..مقرر الفراق

كنت مفكره انى خلاص عرفت الدنيا دلوقتى لاقيتنى غلطانه

اكتشفت انى لسه فى سنه اولى فى الدنيا ولا اعرف افهم اى حد فيها

جميل جدا

وشكرا على مروركم