صاحبك ولا كلمه حق ؟؟؟

زائر

الموضوع المره دى

هيكون

بعنوان

صاحبك ولا كلمه حق

.........................................................................

اكيد كل منا له اصحاب
وبرضه كل منهم عهد للتانى انهم ما يفرقوش بعض حتى لو حصل ايه ؟

بس يشاء القدر انه يضع عقبه بسيطه تتحول الى سد كبير
وهيا ان مثلا لو صاحبك وقع ف مشكله وعرض عليك انك تشهد معاه وتقف معاه
بس انت شايف ان الموقف غلط وانه على غلط وان الكلام اللى بيقوله مش صح

.................................................

يا ترى حتقف معاه وتقول دا صاحبى ولا يمكن ابيعه
ام يدفعك روح الضمير وتقف ف وجهه وتعلن انه على خطأ مع انه مصمم على كلامه

يا ريت نسمع الااراء وبصراحه تامه

بصراحه يابيدو الرد المنطقى اللى يتقال كلمه الحق
بس انا هقول الصراحه هى كلمه الحق فى المواقف التى ممكن يترتب عليها ضرر لحد
بس المواقف الصغيره دى ممكن اقف مع صحبى بس بحدود
من غير مايترتب اى ضرر
بس بينى وبينه هغلطه واحاول ارده
وكلنا نفتكر
انصر أخاك ظالما او مظلوما

زائر

شكرا يا بو سمير ع المرور

بس فيه حاجه

يا جماعه
اكيد معظمنا او كلنا مر بمواقف زى دى
واكيد لو اتكلمنا بصراحه هيبقى فيه رأيين

وهما

1 ــ كلمه الحق طبعا مفيش كلام
2 ـ او صاحبك لانه اقرب الناس ليك وكمان عشان الجمله اللى الناس كلها بتقولها ومبتكملهاش
اللى هى ( انصر اخاك ظالما او مظلوما )

بس لو ع الجمله دى هيبقى فيه اعتراض وتناقض
ازاى كلمه حق وازاى انصر اخاك ظالما
....................................
يا ريت الناس كلها تاخد بالها من الجمله دى وتعرف ان لها تكمله ................

عن أنس رضي الله عنه قال: قال رسول الله صلى الله عليه وسلم: انصر أخاك ظالماً أو مظلوماً، فقال: رجل يا رسول الله صلى الله عليه وسلم أنصره إذ كان مظلوماً، أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره.
والله أعلم.

.......................................

مره تانيه شكرا ابو سمير ع المرور

مشرف عدد الرسائل : 16 تاريخ التسجيل : 26/07/2008

انا راى ان الواحد بيقف مع صاحبو فى كل المواقف بدون تفكير حاليا وخاصة عند الاولادبس بجد كلمة الحق طبعا الى لازم تتقالل وكمان الصديق الغلطان دا بيبقى عارف انو مش على حق فيعزر و مهما كان
وعلى العموم الكل دلوقتى بيخاف يفقد اصحابو مهما كان بيطاوعو بدون تفكير ودا غلط
بس هاقول لمين

زائر

وكمان الصديق الغلطان دا بيبقى عارف انو مش على حق فيعزر [/quote]

مهو المشكله ان محدش بيطلع نفسه غلطان اصلا
يعنى لو جت تقوله انت غلطان
يزعل منك
وزعله بزعله وتبدأ الخلاف
....................................

وبصراحه حصلت معايا
وكانت كلمه الحق هيا الفاصل

..........................

وشكرا ع المرور

هنصر اخيك ظالم او مظلوم
(مظلوم) تقف جنبة
(ظالم) تنصرة لما تعرفة الحق فين وترجعة للحق
اظن الموضوع واضح

انا ممكن اقول كلمة الحق لو مش هضر صاحبتي ضرر كبير.....انما لوهضرها جامد هسكت وممكن اساعدها من غير ما اشهد خطا ....واساعدها في انها ترجع للحق.

انا اتعرضت للموقف ده مرة زمان
و للاسف نصرت صاحبتي مع انها كانت غلطانه
و انا مقتنعه تماما انها غلط بس مش حبيت احرجها قدام الناس
وكمان مش رضيت ازعلها و لما بقينا لوحدنا حاولت افهمها انها كانت غلط
لكن برده مش فهمت و فضلت مصرة على الي عملته مع انها عارفه زي مانا عارفه
ان مش هو ده الصح و لا هو ده الي حصل
بس وقتها قلت مش مشكلة اهو موقف و عدى
لكن لو رجع بيا الزمن لورا و اكيد ده عمره ما هيحصل
هقول الحقيقة اولا لان ربنا امرنا بكده و مش في داعي ابدا اني اكذب
ثانيا لان صاحبتي دي اصلا مش تستاهل باي حال من الاحوال اني اضحي
و اكذب علشانها او اشهد زور مهما كان الموقف صغير او تافه
يعني عموما دلوقتي افضل كلمة الحق في جميع الاحوال

زائر

شكرا على مروركم ونورتوا الموضوع

زائر

لو وضعت في الموقف ده مش متخيله هاعمل ايه
بس لو الموضوع قاتل هاقول الحق
لو موضوع عرضي هانصر صحبتى وبعدين اعاتبها

زائر

دموع كيوبيد كتب:: لو موضوع عرضي هانصر صحبتى وبعدين اعاتبها

مهى ممكن تتمادى ف الغلط
وهنا تبقى مشكله تانيه

طبعا كلمة الحق وافهمها بعدين اني عملت كدة علشاني وعشانها وطبعا علشان ارضاء الله والمواقف دي حصلت معايا وكانت اصعب لاني كنت هحكم بين اتنين اصحابي وقلت الحق وفعلا زعلت واحدة بس في نفس اليوم عرفت انها غلط وشكرتني وكمان بقيت في نظرها صادقة ومبكذبش لكن متهيألي ان ده من حظي ان اصحابي والحمد لله كان عقلهم متفتح لان في مرة تانية حصلت بس مكنتش انا اللي في الموقف بس كان الكلام ده أدامي بين زملاء وللاسف الموضوع اتقلب بخناقة كبيرة خلصت بصعوبة كبيرة ومن اكتر من سنة والموقف متوتر جدا بينهم
والهادى ربنا000000000000ربنا يهدينا كلنا

هقول كلمة الحق لو مش هجرح حد
و لو ممكن اجرح حد يهمني ممكن ارد بجواب حيادي

زائر

thanks for your replies

بصراحة تامة وللاسف انا لو صاحبى صح اشهد معاه لكن لو غلط مشهدش خالص عشان لا اقف قصاده و لا اكدب

زائر

انا بقى والله والله انا اتحطيت فى الموقف ده بس انا خليتنى مع الحق وحصل خناقه بينا كبيره ساعتها وقولت ده النهايه بس اللى حصل ان ربنا نجدنى وجاب الحل من عنده ومخسرتش الانسان ده

بجد الحق مفيش زيه

بس ممكن فى مواقف مينفعش تقف ضد صاحبك فساعتها مدخلش اصلا ومظلمش حد لصاحبى ولا اللى ادام صاحبى
المهم الواحد ميتحملش ذنب حد

شكرا على التوبيك

زائر

قبل اى حاجة لازم نذكر قول رسولنا الكريم عليه افضل الصلاه والسلام:
( انصر أخاك ظالما او مظلوما )
ينى لو اخويا او صاحبى مظلوم اساعدة يجيب حقة
ولو ظالم اوقفظلمة وامنعه من انه يتمادى فيه واقولة الصح وان بيعمل كدة غلط ومش يرضى ربنا
ومفيش اى كلمة ممكن تتقال على التوبيك دة غير قول الرسول عليه افضل الصلاه والسلام
( انصر أخاك ظالما او مظلوما )
صدقت يا حبيبى يا رسول الله

مع الحق لو على نفسي

مع الحق طبعاااااااااااااااااااااااااااا ولو على رقبتى بس مش على طول يعنى

هههههههههههههههههههه

كلمه حق

هيا دى عايزه كلام

طبعا

كلمه الحق

( اللهم اجعل الحق حقا وارزقنا اتباعه

واجعل الباطل باطل وارزقنا اجتنابه )