البديهات الكارينا karina body

صباح الخير او مساء الخير حسب الوقت الى هتقرا فيه الموضوع بتاعى

الموضوع الى هنتكلم فيه النهارده ممكن يبان انه موضوع حريمى بس فى الحقيقه هوه موضوع رجالى بحت

هنتكلم النهارده عن البديهات الكارينا
البديهات الكارينا يا اخوانا وـــ( يا اخواتنا علشان متزعلوش)ـــ غرقت البلد من ساسها لراسها و خصوصا بعد نزول الكارينا المضروبه لاسواق رمسيس و حلوان و دار السلام و العتبه طبعا و مننساش وكاله البلح.
بكل بساطه البديهات الكارينا الضيقه غرقت كل الاسواق والعمليه بصراحه بقت مقرفه.خلاص عصر التميز عند البنات راح و مش راجع تانى
النهارده تلاقى كل البنات لابسين بديهات كارينا ولابسين فوقيها تونيك طويل للمحجبات يا اما بدى للمحجبات برضه. الحكايه بقت استسهال يعنى تلاقى كل بنت تصحى من النوم الصبح تقول هلبس ايه . بينها و بين نفسها تقول الكارينا طبعا و تقوم لابسه عليه البدى الحمالات او النص كم و تلبس البنطلون و تضرب الكوتشى الفلات و كان الله بالسر عليما
فين التميز يا جماعه بقت البنات دلوقتى شبه بعضهم حتى و انت ماشى فى الشارع تلاقى واحد بيقول للتانى شايف البنت دى يقوله انهى ام كارينا اسود ولا كارينا احمر
و تفاجأ ان البنات كل واحده عندهم ما لا يقل عن نص دسته او اكتر من جميع الوان الكارينا دا حته عملوا منه بانتاكورات بتتلبس تحت الجيبه القصيره
و تيجى تسال واحده تقولك اووووف دا بيحرر موووت و تقولها امال بتلبسيه ليه تقولك اصله بيدخل جوه البنطلون فا مبيبينش ظهرها و هيه بتوطى فا محدش يعتبره اغراء
يا جماعه كل الموضوع اننا عايزين نرتقى بمستوى اللبس شويه
و بعدين كان فيه مقوله قالها واحد زمان
انه لابد من وجود مصنع ينتج الفتيات الاتى يلبسن الحجاب و الاسدال و البناطيل الجينز الضيقه و لكنه مصنع نشيط جدا و يبددوا ان صاحبه يابانى
يا ريت موضوعى يكون عجبكم
د: محمد سعيد شلبى

صدق رسولنا الكريم
000000الحياء شعبة من الايمان00000
اللهم ارزقنا الحياء وجميع الشباب والمسلمين جميعا

بصراحه انا مع مون لايت تماما
وراي من رايها
وشكرا على الموضوع الصريح

بصراحه كل يوم بيسوء عن اللى قبله
وانبارح مش زى النهارده
وده مبدأ الناس بتوع الموضه ومصانع الملابس او اى مصالح اخرى

..........................................

بس كل اللى اقدر اقوله
اذا مكنتش البنت محترمه ف تعاملها ولبسها واخلاقها كل حاجه يبقى ما تلزمش
وكمان المثل اللى بيقول اذا لم تستحى فافعل ما شئت

.............................................

موضوع جميل وجرئ د/ محمد
وشكرا

عارفين يا بنات و يا جماعة مع انى مش اشيك بنات المنوفية العامرة و مصر الجديدة و الجمهورية كلها طبعا
احم احم
انا معنديش ولا بدى و لا بنطلون كارينا لا اصلى و لامضروب قولوا لية لانه يخنق و بيحرر و المضروب شفاف و كمامه قصيرة و حاجة تقرف بجد و برضه ملاحظة ان الموضوع دا خلى كل البنات شكل بعضها انا بلبس بدى قطن و ببقى شبهم برضو بس شيك الحمد لله
احم احم

صحيح نسيت اقولكم حاجة انا كنت بناقش نفس الموضوع مع اختى و خالتى من كام يوم و توصلنا الى السبب الاساسى انه اية بقى
تجى البنت مننا تتحجب فلبسها كله نص كم و بتاع فتستسهل و تشترى كام بدى كارينا و تلبسهم و فوقهم البدى النص كم و التى شيرت و بعدين لما يمر كام شهر عالحجاب المفروض بقى تشترى لبس بكم لا تكون ارتاحت بالكارينا و الهجس دا و عادى بقى

هههههههههههه هو احنا مش بنات ولا ايه يا فيكتوريا

على فكره بجد البديهات الكارينا تمووووووووووووت وتحررررررررررررررررررررررررررررررررررر والقطن المصرى مفيش احسن منه

بس سؤال يا دكتور محمد شلبى انت اللى منرفزك ان البنات كلها شبه بعضها ولا لانها ضيقه؟؟؟؟؟؟

اصل هقولك على حاجه لبس المحجبات الفيستات والتونيكات مس كلها بكم فلازم البنت تجيب بدى تحتها اين كان

بس السؤال اللى شاغلنى هو الصبيان بيبقو ماشيين يششوفو البنات بيلبسو كارينا ولا قطنولا ايه يعنى؟؟؟؟؟؟؟


هو موضوع حلو بس انا مش فاهمه وجهه نظرك فييييييه

بت يا فيكتوريا شكلنا مش بنات وحتى الكليه مش معترفه بييييييييينا طبعا فاهمانى :lol:

انا الى منرفزنى ان الكارينا خلت كل البنات تبقى شبه بعضها طيب فين التميز فين كلمه style الى كنا بنسمعها زمان كان زمان يقولك فلانه ليها استايل يجنن و علانه ليها استايل لايق عليها و هكذا ثانيا هيه فعلا ضيقه و بتحرر زى ما بتقولوا طيب ليه يلبسوها ايه الى جابرهم على كدا و لما هيه ضيقه يبقى انتى محجبه ازاى و هيه بتبين تفاصيل دراعك او ايدك......... مش منطقى الله يحرق الحاج كارينا و اولاده يوم اما نزلوا السوق المصرى...............

اجابه السؤال التانى
الولاد بياخدو بالهم من كل حاجه و ادق التفاصيل فى لبس البنت(مش كلهم لان فيه ناس محترمه)
حتى دبوس الطرحه يشوفوا ابيض ولا اى لون تانى بحيث يبقى ماشى مع لون الطرحه و اذا كان البس دا عادى ولا البنت مديقاه
و الجيبه او البنطلون متديق ولا عادى صدقينى انا بشوف مهازل و توقعى اى حاجه من الولاد
لانهم من الاخر بيعرفوا كل حاجه على عكسم تماما يا بنات
ميرسى على ردكم الجميل يا دكاتره
تحياتى

والله يا دكتور شلبى كده كتييييييييييييييييييييييييير اووووووووووووووووووووووووووووووووووووووووى

بجد كده مهزله


بس هقولك على حاجه مهمه الولد مش هيبص على بنت غير وان البنت عامله حاجه مخليا الشباب يبصو عليها
صح كلامى ولا اااااااااااييييييييه؟؟؟

والله يا دكتور انت لفت نظرنا اكتر واكتر ان الواحد يخلى باله من لبسه اوى

مييييييرسى على التوبيك

MiCrO_ShAlAbY كتب:

حتى دبوس الطرحه يشوفوا ابيض ولا اى لون تانى بحيث يبقى ماشى مع لون الطرحه

يا نهار ابيض الحمد لله انى بلبس دايما دبوس لون الطرحة و مش عادى لا ورد و نجوم و حركات
دلوقتى يا د\محمد و يا angle حمشى فالكلية الاقى الناس كلها بتبص على دبوس الطرحة يشوفوه فعلا زى ما بقول ولا لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟