اضحك معانا على المعلقين الرياضيين

صباح الخير او مساء الخير لكل مستمعينا معكم محمد سعيد شلبى من استاد القاهره
الى قاعد فى مدرجات الدرجه التالته هيلاقينى قدامه على الشاشه و الى فى المقصوره الرئيسيه او فى الدرجه الاولى هيلاقينى برضه على الشاشه.
كلنا عارفين ان الى قاعد فى مدرجات الدرجه التالته هيشوف الفريق الفلانى على اليمين و الفريق العلانى على الشمال الاهم بقى ان المعلق الى بيقول كدا اصلا بيذيع للناس الى قاعده فى البيت الى اكيد عارفين و بديهيا ان الفريق الفلانى على اليمين و العلانى على الشمال و ان مفيش اى حد من الجماهير فى الاستاد بيسمعه
بس المعلقين دول حاجه غريبه جدا شويه منهم لازم يحسسوك انك مبتفهمش و شويه يسيبوا الماتش شغال و يقعدوا يستعرضوا عليك المهارات التحليليه و اكيد ان المدرب سمع كلامه و غير الاعب الى قاعد بيشيش فى اخر الملعب و نوع تالت ممتع و يجيبلك تعليقات من اهل الشارع و هكذا و نوع رابع يعد يرغى لحد ما انت تقعد تسمعه و تسيب الماتش
عندكم مثلا مجدى عبد الغنى لو الماتش فيه كلمه برتغال بس حتى لو كان حد من المتفرجين برتغالى يقعد يزل انفاسك بكلام برتغالى علشان هوه قعدله شويه محترف هناك.ومفيش اى ضربه جزاء تيجى فى ماتش الا و يقعد يسمم بدنك بضربه الجزاء الى كانت فى ماتش مصر و هولندا فى سنه 90 و الى حطها مجدى عبد الغنى و سجلوا بكده هدف التعادل و الحمد لله مصر طلعت من الدور الاول ساعتها.
نيجى بقى لقائد الحرس القديم ميمى الشربينى صاحب اشهر الاستعارات المكنيه فى الملاعب و الى بدع كلام مش هتسمعه عمرك فى اى حته تانيه زى مثلا قالك ان المهاجم دا هوه السهم الزئبقى و قالك لو فتحت البطاقه بتاعت اللعيبه هتلاقى مكتوب الوظيفه محترف بدرجه قدير جدا ووصفهم انهم من رواد الفضاء.
وكابتن حماده امام كان معلق كويس زمان بس الزمان اتغير و الصحه كمان الراجل كل شويه يدخل المستشفى و يطلع يعلق على كام ماتش حتى هوه اصلا مش فاكر اى حد من اللعيبه الى جمبه باستثناء حازم ابنه و طول الماتش طول ما الماتش نايم تلاقيه مره واحده بيقول ( حلواااااااااااااااا خطرااااااااااااااااااااا الله الله على الحاجات الى بتعجب الجماهير)
دا طبعا غير الواء محدت شلبى اول من ادخل لفظ مجرم( ابو تريكه المجرم.. بركات الزئبقى) و طبعا محش ينساله بيبوا و بشير بيبوا و الجون يوم ماتش 6\1(السداسيه الخالده للنادى الاهلى)
عندنا برضه الواء عصام صيام الى لازم فى كل ماتش يشكر مدير النادى الى يسر حركه الدخول و مدير اداره المرور الى نظم حركه الوصول و مدير الامن المركزى لحفاظه على الامن و مدير اى اداره تانيه فى اى حته
يا رب يكون موضوعى عجبكم و ضحكتم شويه
تحياتى

ههههههههههههههههههههههههههههههههههههه
الموضوع حلو اوى
كابتن دنجل بيسليكوا

شكراااااا اوى على التوبيك
رااائع

هههههههههههههههههه

جميل جدا الموضوع

وحلوه حلوه حلوه

وهاتها من الشبكه يا حضرى