فيه حد يقدر يقولى ليه؟

ليه .. ليه


ليه لما نيجى نمشى فى المطر لظروف إستثنائية بنروح رافعين أكتافنا لفوق ؟ هاتعمل إيه يعنى

ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة ؟

ليه لما بتكون بطارية الريموت شبه فاضية ، بنضغط على الزراير جامد ؟

ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟

ليه بنقول هدية مجانية ..؟ مش المفروض إن الهدية تكون مجانية

ليه لما نكون جوه المنزل والسماء بتمطر بنسأل هو الجو بيمطر بره ؟ هى عمرها مطرت جوه

ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟

ليه الخدمة بتكون سريعة لما المطعم يكون مزدحم أكتر من لما يكون نص نص ؟

ليه لما الواحد بيركن السيارة فى موقف فاضى اللى جاى وراك بيركن جنبك ؟

ليه دايما لما حد بيجري يلحق الأتوبيس تلاقيه مبتسم أو بيضحك ؟

ليه بنفتكر إن لما ندوس على زرار الأسانسير كتير هاييجى بسرعة ؟ أو مثلا ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود ؟

ليه وإحنا بنأكل الطفل الصغير فى فمه بالملعقة .. بنفتح فمنا ؟

ليه دايما عندنا إستعداد تام إننا نصدق أى حد بيكلمنا فى ودانا .. بيوشوشنا ؟

ليه لما بنتصل بالتليفون .. دايما النمر الغلط مابتكونش مشغولة ؟ وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة أو حتى أرقام الكيبورد ؟ وبمناسبة التليفون ليه لما واحد يعطيك رقم تليفونه بيقوله بسرعة ؟ وليه عمرنا ماإستمتعنا بالموسيقى فى التليفون لما نكون على الإنتظار ؟

ليه لما بنصحى من النوم دايما بنحس إن كمية النوم ناقصها عشر دقايق

فى شوية حاجات كدا يجد نفسى اعرف ليه بجد
:afro: تحياتى

صحيح ليه

برجع واقول
يبقى انت اكيد فى مصر
:lol:

ميرسى moon light
ميرسى bedoo
على مشاركتكم

ليه لما بنصحى من النوم دايما بنحس إن كمية النوم ناقصها عشر دقايق


اهى ده اكتر حاجه بتحصلى بقوم اكتر من 5 6 مرات وانام تانى عشان بحس ان كل مره ان العشر دقايق ولا الخمس دقايق دول هيفرقو

ليييييه بقى الله اعلم
بس فى حاجات احنا كبرنا ولقيناها كده فاتعودنا على كده

شكرا على التوبيك

ميرسى على الاضافه الجميله دى بجد فاتتنى
lovly angle ميرسى على مرورك

التوبيك جااااااااااااااااامد جدا
وفعلا مواقف تحير وبتحصل كتير
لكن ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟
معنديش فكرة. يمكن اتعودنا على كده.
بس جديد قاوى التفكير ده .

ميرسى جدا على ردك يا name of love

ميرسى يا David Beckham
مع انك مرديتش و معملتش حاجه بس شكرا انك دخلت قريت الموضوع

MiCrO_ShAlAbY كتب:

ليه .. ليه



ليه لما الواحد بيركن السيارة فى موقف فاضى اللى جاى وراك بيركن جنبك ؟



:afro: تحياتى

[center]الموضوع حلوووووو اووووووووووووي
و بالذات الجمله دي فكرتني بحاجه لسه حاصلالي
واحد جاي ورانا و عايزيركن مكاننا(بجاحه يعني)
نرجع نلاقيه منيملنا العجلتين اللي قدام

ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟
لانه اكتر حاجة بتبقى حاضرة فذهن الانسان مهما كان مشغول و مهما كان سنه و ثقافته


ليه الخدمة بتكون سريعة لما المطعم يكون مزدحم أكتر من لما يكون نص نص ؟
لانه لما يكون زجمة الطباخين بيستعجلوا و بيحضروا وجبات او الاكل بكميات كبيرة بحيث تكون جاهزة على طول للتقديم لكن النص نص بيبقى بيجهز اكل عالاد عشان مايهدرش و يخسر


ليه دايما لما حد بيجري يلحق الأتوبيس تلاقيه مبتسم أو بيضحك ؟
عشان متاكد ان الناس كلها بتضحك عليه


ليه وإحنا بنأكل الطفل الصغير فى فمه بالملعقة .. بنفتح فمنا ؟
عشان الطفل يقلدنا و يعمل زينا و يفتح بقه

ليه دايما عندنا إستعداد تام إننا نصدق أى حد بيكلمنا فى ودانا .. بيوشوشنا ؟
لان الكلام بالهمس بيلمس القلب و تحس فيه بالطهر و النقاء


ليه لما بنصحى من النوم دايما بنحس إن كمية النوم ناقصها عشر دقايق ؟
دى معرفش الاجابة بس بحس ان كمية النوم ناقصة بتاع من 8 الى 10 ساعات :sleep:

اكيد reflex بس زايد شويه عشان احنا ف مصر

:D

ميرسى يا vectoria انك لقيتى ردود على كل الحاجات دى
شكرا لمرورك يا hero
تحياتى